16 работи што штедливите луѓе престанале да ги купуваат – некои од нив ни земаат пари без да забележиме

Содржина:

• Прво исчезнуваат малите трошоци што ги правиме без размислување
• Наместо евтино и ново – половно, квалитетно и нешто што ќе трае
• Купувањето веќе не е хоби, а нов телефон може да почека
• Некои престанале да плаќаат и за работи што можат да ги направат сами
• Киното го заменија со дневната соба, а претплатите ги откажуваат веднаш
• Не се откажале од животот – се откажале од купувањето на автопилот

Прво исчезнуваат малите трошоци што ги правиме без размислување

„Што било од бензинска станица освен гориво.“
„Достава на храна. Веќе не нарачувам ни пица поради таксата за достава што ја додаваат, а таа дури и не оди кај доставувачот. Не, не и не.“
„Сама си правам мешавини од зачини и преливи за салата. Готвам речиси исклучиво од нула.“
Токму ваквите ситни трошоци често први исчезнуваат кога луѓето почнуваат да внимаваат каде им одат парите.

Наместо евтино и ново – половно, квалитетно и нешто што ќе трае

„Нема повеќе купување ѓубре, евтина облека и дребулии. Штедам за убави работи за кои знам дека ќе траат и дека можат да се поправат. Немам многу работи, но она што го имам трае и сè уште изгледа добро.“
Друга корисничка вели:
„Нова облека. Би рекла дека 95% од мојата гардероба е половна. Уживам да наоѓам уникатни парчиња. Поевтино е, а и многу подобро за животната средина.“
Истото правило некои го применуваат и дома:
„Поголемиот дел од мебелот и декорот во нашата нова куќа ги купив половни. Заштедив илјадници долари. Имам висококвалитетни парчиња што ќе траат со децении. И ништо не може да ‘излезе од мода’, бидејќи технички сè веќе е надвор од мода!“
А еден корисник е уште подиректен:
„Новиот мебел е ѓубре. Купи старо парче, вложи малку време да изгледа добро и ќе ти трае цел живот.“

Купувањето веќе не е хоби, а нов телефон може да почека

„Не купувам како активност. Не ‘одам на шопинг’. Одам да купам само нешто што ми треба или што сум решила дека го сакам, и одам со список.“
Слична логика важи и за технологијата:
„Не купувам сосема нови телефони. Дури и една година по излегувањето може да се најде одлична зделка. Мојот S25 го земав обновен, во одлична состојба, за половина од цената на нов.“

Некои престанале да плаќаат и за работи што можат да ги направат сами

„Огромен број производи за еднократна употреба можат да се избегнат со повторна употреба на нешто што веќе го имате или со малку поголема инвестиција во верзија што може да се пере и користи повторно.“
Една корисничка повеќе не купува ни честитки:
„Скапи се, а исто толку лесно е да направиш една. Ако давам подарок лично, само правам убава етикета со порака.“
Друга ги заменила хартиените марамчиња:
„Имам платнени шамивчиња за секојдневна употреба. Носот веќе никогаш не ми е испукан по настинка.“
Но најголемите заштеди кај некои доаѓаат од услугите за убавина:
„Последнава година сама си правам балајаж. Најмногу трошам 100 долари за да си ја средам косата неколку пати годишно, наместо 250–300 долари за еден термин.“
Истата жена сама си прави и депилација:
„Грејачот за восок чинеше само 25 долари. За пазувите, лицето, па дури и за бразилска депилација користам тврд восок. Не е за оние со слабо срце, но може да се направи!“

Киното го заменија со дневната соба, а претплатите ги откажуваат веднаш

Еден поранешен редовен посетител на кино вели:
„Бев зависник од филмови и многу одев во кино. Сега не сум бил шест години. Скапо е и не ми пречи да почекам. Чекам филмот да се појави на некој стриминг на кој веќе сум претплатен. Дома имам телевизор од 165 сантиметри со сараунд звук, можам да паузирам кога сакам, присутни се само луѓе што ги знам и ми се допаѓаат, а храната е одлична. И ниту подот ниту седиштата не се лепливи.“
А последниот совет е едноставен, ама паметен:
„Немам претплати што автоматски се обновуваат. Ако се пријавам на Netflix, веднаш ја откажувам претплатата за да не ми наплатат и следниот месец. Не сакам да плаќам за услуга што всушност не ја користам.“

Не се откажале од животот – се откажале од купувањето на автопилот

Ниту една од овие промени сама по себе нема некого да збогати преку ноќ. Поентата е во навиката: да не се купува нешто само затоа што отсекогаш се купувало, да не се доплаќа за удобност без размислување и да не се оставаат претплати да си течат со месеци.
Штедливото живеење не мора да значи постојано лишување. Понекогаш значи само да застанете пред да платите и да се прашате: „Ова навистина ми треба или само сум навикнат да го купувам?“