„Зет ми сака да ме смести во старечки дом за да ми ја земе куќата“: 77-годишна жена преживува семеен пекол откако ги спасила ќерката и зетот од долгови
Една жена од Хрватска се нашла во тешка ситуација кога сфатила дека во сопствената куќа почнува да му пречи на сопственото семејство. Иако им го отстапила поткровјето од својот дом и со тоа ги спасила од подигнување станбен кредит, нејзиниот зет сега отворено предлага да ја испратат во старечки дом за да добијат повеќе простор.
Семејниот мир се распаднал околу уредување на детска соба. Од една мала просторија, едно ново биро и една реченица, пукнала кавга што ја натерала старицата јавно да раскаже што преживува во својот дом.
Содржина:
Кавгата околу детската соба била капката што ја прелеала чашата
Старицата во својата исповед детално го опиша мигот кога семејниот конфликт го достигнал врвот.
„Имам чувство дека на зетот само му пречам, а ни ќерката баш не е на моја страна бидејќи никогаш не застанува во моја одбрана. Капката што ја прелеа чашата се случи кога двајцата се скараа околу уредувањето на втората детска соба. Собата е навистина мала и во неа собира одвај кревет и биро за пишување. Кога пристигна новото биро, се покажа дека е прешироко и дека не може да се смести покрај креветот. Ќерката рече дека ќе го врати и ќе купи помало, но зетот тогаш пламна и рече дека тоа е ‘кафез за птици, а не соба’, а потоа изговори дека мене треба да ме испратат во старечки дом, па ќе има место. Веќе им го дадов поткровјето и благодарение на тоа не мораа да земаат кредит како многу други. Неговите родители притоа со ништо не се понудија“, рече таа во исповедта на порталот „Мојевријеме“ (Mojevrijeme).
„Своја на своето“ на 77 години се прашува дали да ги избрка и да ги лиши од наследство
Покрај тоа што зетот предлага таа да оди во дом, жената дополнително ја погодува фактот што нејзината ќерка не застанува во нејзина заштита. Поради тоа, оваа 77-годишна жена, која се потпишала како „Своја на своето“, се запрашала дали треба да преземе радикални чекори.
„Имам 77 години и сметам дека имам право уште да поживеам, но и да го проживеам својот живот онака како што сакам, во својот дом. Сега се прашувам дали едноставно треба да ги избркам и да ги разбаштинам. Не сакам да го поминам остатокот од животот во расправии со сопствената ќерка и зет, но не можам да живеам во страв дека ќе ме стрпаат во дом“, изјави таа во својата исповед.
Ксенија Хабунек ја упати кај правник пред каква било одлука за наследството
По повод овој случај се огласи и советничката Ксенија Хабунек. Таа ѝ порача на старицата дека во сопствениот дом не мора никому да му се правда.
Според неа, ако поткровјето не му одговара на зетот, тој слободно може да се исели. Но, пред каква било одлука за лишување од наследство, жената најпрво треба да ги провери своите законски права со правник.
Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!
Коментирај анонимно