Легендарниот Џејк од „Два и пол мажи“ денес изгледа вака и никој жив не го препознава
Познатиот Џејк Харпер од серијата „Два и пол мажи“ со години беше најплатената детска ѕвезда во Холивуд. Тој ја воодушеви светската публика со својот неодолив хумор во култниот ситком што постојано се репризира и има милиони верни обожаватели ширум светот.
Ангус Т. Џонс неодамна наполни 33 години, а речиси две и пол децении по премиерата на омилената хумористична телевизиска серија, неговиот живот изгледа сосема поинаку од оној на момчето што публиката го памети од малите екрани.
Содржина:
Премиерата беше на 22 септември 2003 година, а финалето стигна дури по 12 сезони
Глумецот Ангус Т. Џонс се прослави со улогата на Џејк Харпер во серијата „Два и пол мажи“ на почетокот на 2000-тите години. Премиерата на ситкомот беше на 22 септември 2003 година на американската телевизиска мрежа CBS.
Серијата стана огромен глобален хит. Беа емитувани 12 сезони во текот на 12 години, сè до финалната епизода што беше прикажана на 19 февруари 2015 година.
Ангус Т. Џонс, кој на 8 октомври го прослави својот 33. роденден, играше рамо до рамо со Чарли Шин и Џон Крајер, а глумеше и во продолжението на серијата кога Шин беше заменет со Ештон Кучер.
„Ако ја гледате ‘Два и пол мажи’, ве молам престанете да ја гледате!“
Во моментот кога одлучи да го напушти ситкомот, Џонс заработуваше вртоглави 350.000 долари по епизода.
„Ако ја гледате ‘Два и пол мажи’, ве молам престанете да ја гледате!“, порача тој порано во видеоснимка на YouTube што ја објави христијанската група „Forerunner Chronicles“, откако ненадејно се откажа од актерската улога.
Во своето десетминутно обраќање тој изјави дека го пронашол Бога, а популарната серија отворено ја нарече „валканост“.
„Луѓето велат дека тоа е само забава. Истражете малку за влијанието на телевизијата врз вашиот мозок и ви ветувам дека ќе мора да донесете одлука кога станува збор за телевизијата, особено кога станува збор за она што го гледате. Ве молам, престанете да ја следите ‘Два и пол мажи’ и да си ја полните главата со валканости“, додаде тој во видеото.
Во 2023 година повторно застана пред камера со Чарли Шин
Омиленото момче од малите екрани денес живее повлечен живот во Лос Анџелес. По завршувањето на колеџот во Колорадо, едно време работеше како извршен директор во продукциската куќа „Tonite“, основана од синот на раперот Шон Комбс.
Денес се занимава со музика од хоби и ги објавува своите композиции на платформата SoundCloud под уметничкото име „Angus“.
По повеќегодишна пауза, тој привремено ја прекина својата актерска пензија кон крајот на 2023 година, кога се појави во камео-улога во серијата „Bookie“ на креаторот Чак Лори, кој е автор и на „Два и пол мажи“.
Таму повторно заигра во заедничка сцена со Чарли Шин, што беше јасен доказ дека старите недоразбирања и конфликти околу познатиот ситком одамна останале во минатото.
Незаборавниот Џејк Харпер и понатаму упорно се држи подалеку од јавната сцена, иако публиката ширум светот би сакала тој трајно да се врати на актерството.
Коментирај анонимно