Богојески ги посочи Албанците како пример за контрола врз жените: „Албанците не ги пуштаат да се брукаат по кафеани“

Петар Богојески, лидерот на Македонски концепт, со ново видео повторно ги бранеше своите ставови за улогата на мажот во семејството и контролата врз жените, притоа посочувајќи ги Албанците како пример. Според него, тие не дозволувале нивните сопруги да се „брукаат по кафаните и улиците во Скопје“.

Во видеото објавено на 3 ноември, Богојески им се обрати на мажите кои претходно го критикувале, прашувајќи ги дали сметаат дека е прифатливо нивните ќерки да се шетаат „полуголи пред Силбо“ и дали имаат контрола врз однесувањето на своите сопруги во кафеаните. Тој го претстави традиционалното семејство како клуч за спас на нацијата, а воедно ја повика и Македонската православна црква јавно да го соопшти својот став за ова прашање.