Цените на становите отидоа во облаци: Колку чини квадрат во Скопје, Охрид, Битола и низ Македонија?
И во третото тримесечје од годината пазарот на недвижности останува под силен притисок. Најголемиот товар повторно го носат скопските општини, каде што побарувачката продолжува да ја турка вредноста на секој квадратен метар нагоре.
Кај старата градба Карпош е пред Охрид, а веднаш зад него е Битола
Според најновите официјални податоци на Агенцијата за катастар на недвижности, највисока просечна цена за квадратен метар во категоријата стара градба е регистрирана во скопската општина Карпош.
По скопските општини, на врвот на листата според цените на старата градба традиционално следи Охрид, а веднаш зад него е позиционирана Битола.
Кај новоградбите Центар го држи рекордот, а по Охрид се издвојува Струмица
Нема поголеми изненадувања ниту кога станува збор за новите градби ширум земјата. Најскапи се становите во срцето на главниот град, скопската општина Центар, каде што просечниот квадратен метар останува убедливо највисок.
По водечките скопски општини, кај новоградбите повторно високо се наоѓа туристичкиот бисер Охрид, а зад него со високи цени на становите се истакнува Струмица, каде што градежната експанзија придонесе за значителен скок на вредноста на недвижностите.
Овие бројки потврдуваат дека и покрај економските предизвици, недвижностите остануваат една од најатрактивните инвестиции во земјава. Јазот во цените меѓу Скопје, туристичките центри и останатите градови во внатрешноста продолжува да се продлабочува.
Коментирај анонимно