„Бев бесна, болна и целосно сама на дното“: Ќерката на Анџелина Џоли и Бред Пит искрено проговори за соочувањето со психичко нарушување и заминувањето во болница
Во Лос Анџелес, на уметничка изложба, осумнаесетгодишната наследничка на Анџелина Џоли и Бред Пит за првпат јавно проговори за периодот во кој проблемите со менталното здравје ја довеле до чувство дека е „бесно и осамено“.
Тинејџерката, која во уметничкиот свет се претставува под името Вивиен Маршелин, покрај своите дела изложи и емотивен текст. Во него откри дека, покрај психичките тешкотии, се соочила и со нарушување во исхраната, поради што на почетокот на годината била хоспитализирана.
Исповедта дојде во момент кога нејзиното име повторно е во центарот на вниманието, бидејќи неодамна се откажа од познатото презиме на својот татко.
„Поле со лалиња“ било името што ѝ го дала на болницата
„Добредојдовте во Полето со лалиња. Се прашувате зошто се вика така? Како и многу други, и јас се борев со проблеми со менталното здравје. Исто така, се соочив и со нарушување во исхраната.
На почетокот на оваа година бев хоспитализирана поради нарушување во исхраната. Бев бесна, болна и многу осамена. Меѓутоа, со текот на времето, добрината и топлината на децата и персоналот во болницата ги урнаа ѕидовите што ги имав изградено околу себе.
Тоа беше истовремено најлошиот и најдобриот период од мојот живот, а од него излегов како подобра личност. Поле со лалиња е името што ѝ го дадов на болницата, а сликите што се изложени овде ги претставуваат миговите што ги поминав таму.
Моменти на безнадежност, моменти кога не можев да престанам да се смеам, моменти кога се чувствував сигурно и моменти на храброст.
Секако, немаме фотографии од времето поминато во Полето со лалиња, па овие слики се нашите спомени, нашите најчисти спомени што ги зачувавме.
Насловот на секоја слика е реченица преземена од дневникот што го водев за време на престојот во болница. Ги избрав пасусите за кои сметав дека најдобро им одговараат на сликите. Ви благодарам“, напиша Вивиен.
Нокс ѝ помагал со изложбениот простор додека Вивиен го остави презимето Пит
Претставниците на Анџелина Џоли одбија да ги коментираат овие наводи за Daily Mail, додека редакцијата контактираше и со претставниците на Бред Пит за коментар.
На емотивните уметнички дела Вивиен себеси и другите пациенти ги претстави како лалиња. Сликите прикажуваат моменти во кои едни на други си ги доверувале своите грижи, разговарале и поминувале време заедно за време на оброците.
Вивиен во текот на изминатите неколку месеци повеќепати беше видена како ги изложува и продава своите дела на уметнички саеми во Лос Анџелес.
Во неколку наврати ѝ помагаше нејзиниот брат близнак Нокс, кој заедно со неа ги поставуваше сликите и го подготвуваше изложбениот простор. Така братот и сестрата имаа можност да поминуваат време заедно, пружајќи си меѓусебна поддршка.
Нејзината најнова изложба се одржа само неколку дена откако таа стана четвртото од шесте деца на Анџелина Џоли и Бред Пит што одлучи да се откаже од презимето на својот татко, со кого семејството е во нарушени односи.
Вивиен, која своите уметнички дела ги потпишува со името Вивиен Маршелин, ги изложи сликите инспирирани од периодот поминат на лекување.
Како што наведува Daily Mail, редакцијата имала увид во судската документација која покажува дека судија во Лос Анџелес минатата недела го одобрил нејзиното барање за официјална промена на името.
Нејзиното полно име, Вивиен Маршелин Џоли-Пит, така правно е променето во Вивиен Маршелин Џоли.
Коментирај анонимно