Младенци ја откажале свадбата за да ги искористат парите за нешто според нив многу поважно

Еден пар од Чикаго, требаше оваа година да стапи во брак и за тоа организирале убава свадбена церемонија. Но, бидејќи сите знаеме како се одвиваше оваа година нивната венчавка од соништата не можела да стане реалност. Но, младите не очајувале и одлучиле средствата кои ги одвоиле за свадбата да ги наменат за нешто друго.

Емили Баг и Били Луис се венчале без семејството и пријателите, со посета на матичар и еден фотограф да го обележи моментот. Тие повеќе не требале да платат за големата веселба, но имале уплатено депозит од 5.000 долари кај угостителот.

Затоа тие го прашале угостителот дали можат свадбената храна да ја претвори во вечери за Денот на благодарноста за луѓето кои имаат потреба.

„Во големата шема на работи, откажувањето на голема свадба не е најлошото што може да се случи. Среќни сме што сме во брак и сме толку среќни што можеме да им помогнеме на клиентите на Thresholds да ја почувствуваат поврзаноста на оброкот на Денот на благодарноста како резултат на откажувањето на свадбата.“, вели Емили.

Заедно, парот и угостителската компанија составија 200 оброци, кои им ги послужија на луѓето кои живеат со сериозни проблеми со менталното здравје и на оние со зависност од супстанции. Самата Емили работи за организација наречена Thresholds, непрофитна здравствена установа во Чикаго, која им помага на луѓето со состојби како што се биполарно растројство, шизофренија и голема депресија.