Овие новогодишни празници ни се најпотребни вакви акции: Донирани се 750 пакети со храна за социјално загрозените сограѓани!

Новогодишните празници будат енергија на единство и дарежливост, а уште подобро е кога овие чувства директно се поттикнуваат. Токму тоа го направи dm со својата хумана иницијатива која подари насмевки на многу лица.

„Купувајте во dm и направете добро дело“ – вака гласеше слоганот на иницијативата „Giving Friday“ со која дрогериите на dm, на 27 ноември донираа 5% од својот дневен промет во хуманитарни цели. А, токму тоа добро дело денес беше остварено.

Со поддршка на своите купувачи, на 27 ноември 2020 година беа собрани 233.700 мкд за храна и оброци за социјално загрозени сограѓани. А, денес започна поделбата на оваа донација: 750 пакети со храна беа доставени во организацијата „Ајде Македонија“, кои преку хуманитарните организации „Свети Спас“ , „АДРА Македонија“ и „Вистински дела на љубезност – Real acts of kindness“ , ќе завршат во рацете на нашите социјално загрозени сограѓани.

Од dm дрогерие маркт изразија голема благодарност до сите свои купувачи и вработени, кои несебично го дадоа својот придонес кон оваа иницијатива. Со оваа акција, уште еднаш на дело беше докажана општествената одговорност на компанијата, како и нејзините заложби за подобра иднина за сите нас.

„Новогодишните и божиќните празници се период на дарување, а нашите подароци оваа година решивме да ги однесеме онаму, каде што е најпотребно. Посебно нѐ радува фактот што во овие претпразнични денови успеавме, со ваков скромен гест, барем за момент да ја вратиме насмевката на лицата на нашите сограѓани.“ – изјавија од компанијата.