Африка се дели на ПОЛОВИНА: Научниците детектираа длабоки Земјини импулси под Етиопија – знак дека целиот континент би можел да пукне?
Иако звучи како сценарио од филм за апокалипса, научниците потврдуваат дека континентот Африка навистина почнува да се цепи. Огромна пукнатина се протега од североистокот кон југот на континентот и со текот на времето може целосно да го подели, создавајќи нов океан меѓу источна и западна Африка.
Истражувањето на Универзитетот во Свонзи открива дека ритмични пулсирања на магма од длабочините под Етиопија го поттикнуваат ова постепено раздвојување. Процесот, според д-р Ема Вотс, веќе е започнат и се одвива со брзина од 5 до 16 мм годишно, но ќе бидат потребни милиони години за целосно формирање на новиот океан.
Како би изгледало тоа?
Расцепот се предвидува да се протега низ големи езера како Малави и Туркана, и на крајот ќе резултира со создавање два копнени блока – западен, кој ќе ги содржи повеќето од денешните африкански држави, и источен, кој ќе вклучува Сомалија, Кенија, Танзанија, Мозамбик и дел од Етиопија.
Истражувачите собрале над 130 примероци од вулкански карпи во регионот Афар, каде се среќаваат три тектонски плочи: Етиопскиот рифт, Црвеноморскиот рифт и Рифтот на Аденскиот Залив. Таму плочите се оддалечуваат една од друга, што овозможува магмата од мантијата да се издигнува кон површината.
Африка бавно се преобразува
Овие „пулсирања” на магма, според д-р Вотс, се канализираат токму од движењето на плочите. Како што се одвојуваат и истенчуваат, доаѓа до пукање на земјината кора и со тоа почеток на создавање на нов океан.
Овие откритија имаат значајни последици за разбирањето на вулканизмот, земјотресите и раздвојувањето на континентите. Африка, иако бавно, се преобразува – и сè е запишано длабоко под нашите нозе.
Коментирај анонимно