Ако мислевте дека ајкулите се доволно страшни: Нов шокантен пресврт во мистеријата на 500-годишните „бесмртни“ поларни ајкули

Да, токму кога можеби мислевте дека ајкулите се доволно страшни, излезе дека постои редок вид кој е способен да живее со векови.

Гренландските ајкули се доста непозната раса, мистериозно пливаат во Атлантскиот Океан и Арктичките мориња. И со можен раст до неверојатни 7 метри во должина и тежина од 1,2 тони, беше откриено дека еден од ѕверовите живеел од 1624 година!

Да добро прочитавте! Таа ајкула доста работи преживеала…

Истражувачите од Универзитетот во Копенхаген ја пронајдоа и користеа датирање со јаглерод за да ја одредат нејзината древна старост.

Научниците потрошиле многу време обидувајќи се да откријат како гренландските ајкули се способни да живеат толку долго, бидејќи многумина сметаат дека тоа би можело да ни помогне да имаме подолг животот.

Претходно се сметаше дека метаболичката активност на мускулите на ајкулите може да биде нивната фонтана на младоста со популарната биолошка теорија „темпо на живот“ што ја поврзува долговечноста на животот со брзината на метаболичките функции.

Но, сега истражувачите мислат дека тајната на нивниот долг живот се должи на длабоките и ниски температури на водата во кои живеат ѕверовите.

Демнејќи во темните океани помеѓу -1,8 и 7,5 степени, тимовите сметаат дека ова може да ги забавува хемиските и биолошките причини во нивните тела. О, и поради овие услови, често не е вознемирувани од луѓе.

Професорката на Универзитетот во Манчестер на Катедрата за кардиоваскуларни науки, Холи Шилс изјави: „Тие се на место кое е тешко пристапно за луѓето. И тие имаат многу малку природни предатори освен луѓето. Така тие навистина можат да живеат што е можно подолго“.

Сепак, таа рече дека иако метаболизмот е забавен од студот и ајкулите имаат многу бавен пулс, тоа не мора да објаснува целосно зошто тие живеат со векови.

„Има и други видови кои живеат во истите води како Арктикот и имаат ист пулс, кои имаат животен век од 20 години, 40 години“, објасни таа. „Значи, сè уште има нешто необично во врска со ајкулата“.

Водечкиот истражувач Јуан Кемплисон, докторант на Универзитетот во Манчестер, рече дека крајната цел е да ги заштитиме ајкулите и за да го направиме тоа, треба „подобро да ги разбереме“.

„Со проучување на гренландската ајкула и нејзиното срце, можеби ќе можеме подобро да го разбереме сопственото кардиоваскуларно здравје. Ова се прашања кои стануваат прогресивно почести и потешки со зголемувањето на возраста“, додаде тој.