Ако не можевте да ја решите во оригинална големина, пробајте оваа: Претставена e најмалата Рубикова коцка на светот – а како за мала цената ѝ е баш голема

Оваа мала коцка со шест страни, направена од јапонскиот производител на играчки MegaHouse, е толку мала што може да се стави под нокт, а можеби ќе ви требаат пинцети за да ја решите. Коцката чини 5,320 долари  и доаѓа со постамент кој вели дека е „Најмалата Рубикова коцка на светот“.

 

 

Во август, Гинисовата книга на рекорди потврди дека оваа коцка е „најмалата ротирачка коцка загатка“ на светот.

Направена е од алуминиум, тежи само 0.33 грама и има димензии од 2cm на секоја страна, што ја прави околу 0.5 cm широка.

Кијоказу Саито, претседателот на Iriso Precision, компанијата што се занимавала со прецизното сечење, изјави во видео дека малата Рубикова коцка е резултат на „машини, алати за сечење и страстта на играчите“.

 

Оваа мини коцка е околу 1,000 пати помала од оригиналната Рубикова коцка. Идејата за малата коцка започнала пред четири години, а производството започнало во 2022 година.

Нејзиното објавување исто така го слави 50-годишниот јубилеј на оригиналната Рубикова коцка.