„Алергична сум на секаков вид овошје и зеленчук – не сум јадела ништо такво 20 години“
Клои Рејсбек од Велика Британија има ретка состојба – орален алергиски синдром (ОАС) – која ја прави алергична на 15 видови овошје, зеленчук и јаткасти плодови. Сè започнало кога имала само 7 години, по залак праска што ѝ предизвикал отекување и чешање во грлото. Оттогаш, нејзиниот живот се изменил – се храни претежно со тестенини, месо и млечни производи, и секогаш носи ЕпиПен во случај на анафилактичен шок.
Подготвена да го надмине стравот
Поради страв од реакција, никогаш не пробала некои намирници како јагоди, диња или манго. На социјални настани носи сопствена храна, а понекогаш дури и го замолува партнерот да ги измие забите ако јадел нешто на кое таа е алергична. Денес, со помош на суплементи ги добива потребните витамини, но оваа година почнала внимателно да воведува нови намирници – првиот чекор биле малините. Се надева дека полека ќе изгради подобар однос со храната, без страв.
Коментирај анонимно