Американец постави нов рекорд со џиновска тиква тешка 1.161 килограм! Погодете колку часа jа носел до натпреварот?

Наставник по градинарство од Минесота постави нов американски рекорд за најтешка тиква во понеделникот одгледувајќи џиновска тиква тешка 1.161 килограм.

Тревис Џинџер од Аноки, Минесота, постави нов рекорд и победи на годишниот натпревар за мерење тиква во Северна Калифорнија.

„Во Минесота пролетта е навистина тешка. Значи, одгледувањето на тиква во средина како Минесота е речиси невозможно“, рече Џинџер. „Тоа е како да победиш на Тур де Франс на велосипед со големо тркало. Знаете, можете само да се надевате, но успеа“.

Џинџер ја носел џиновската тиква 35 часа за да види дали се исплати неговата напорна работа на мерењето на тиква на 49-то Светско првенство во заливот Халф Мун, јужно од Сан Франциско.

„Мислите дека возењето во снежна бура е лошо? Обидете се да возите со една од тие работи“, рече тој.

Џинџер, кој исто така победи на истиот натпревар во Северна Калифорнија во 2020 година, го собори рекордот поставен минатата недела во Њујорк, каде одгледувачот одгледа огромна тиква од 1.158 килограми.