Американски турист распалува чад од канабис на сред плоштад во Тајланд

Американски турист и претприемач со канабис им дал на случајните минувачи бесплатно да пробаат од неговиот производ во Пукет, Тајланд.

Човекот – кој не е идентификуван, но се чини дека е соработник на брендот „Куш Лајф“ – наполнил уред сличен на машина за произведување магла, со канабис на улицата Бангла Вокинг во Потонг Бич, која е добро позната по ноќниот живот во Пукет.

Локалните власти дознаа за инцидентот од објава на „Инстаграм“, каде што се гледа како Американецот пушта чад од марихуана.
Полицајците го пронајдоа ентузијастот и го прекорија велејќи: „Такви дејства не можат да се прават јавно“. Тој брзо се извини и ја напушти земјата на 19 август, според објавата на „Фејсбук“ на провинциската полиција на Пукет.
Осомничениот отпатувал во јужноазиската држава на 15 август, наводно за да го промовира брендот „Kush Life“ заедно со „The Lavender Boys“, линија на облека инспирирана од канабис. Тајланд неодамна стана првата земја во Азија која ја легализираше марихуаната. Оттогаш, десетици диспанзери за канабис се појавија на улицата Бангла Вокинг.
Пост се обрати до претставници од брендовите, кои одбија да ја потврдат нивната вмешаност.

Сепак, сè уште има ограничувања околу супстанцијата, како што е забраната на корисниците да пушат трева во јавност, според „Вашингтон пост“.

Оние кои не го почитуваат законот може да бидат обвинети според законот за јавна непријатност на Тајланд и може да бидат казнети со парична казна од 780 долари или три месеци затвор.  Други земји сè уште ја сметаат марихуаната за голем прекршок, а некои Американци како ВНБА кошаркарката Бритни Гринер и супермоделот Џиџи Хадид се соочија со несреќни последици поради нивната несвесност.

Гринер беше обвинета и осудена на девет години за шверц и поседување дрога во Русија, но беше ослободена како американско официјално лице во декември 2022 година. Хадид беше уапсена за поседување марихуана додека беше на одмор на Кајманските острови на 10 јули, но беше ослободена со кауција.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!