Американскиот претседател Трамп се заканува да остави над милион луѓе без лекови против ХИВ ако Зaмбија не ги отстапи рудниците

Администрацијата на Трамп, според меморандум на Стејт департментот до кој дојде New York Times, подготвува опасен план – да укине 115 милиони долари помош за лекување на ХИВ во Замбија доколку владата таму не овозможи поголем пристап на американските компании до огромните запасите на бакар и други минерали. Со тоа, животот на над 1,3 милиони пациенти со ХИВ е директно доведен во прашање.

Американскиот претседател Трамп се заканува да остави над милион луѓе без лекови против ХИВ ако Зaмбија не ги отстапи рудниците

„Ќе го повлечеме финансирањето ако Замбија не попушти за минералите“

Во мемото, подготвено за сенаторот Марко Рубио, јасно стои: „Ќе ги осигураме нашите приоритети само ако покажеме спремност масовно да ја повлечеме поддршката за Замбија.“ Оваа стратегија, според американските функционери, има цел да ги истисне кинеските интереси на сметка на американски компании и геополитички цели, особено во сферата на бакарот.

1,3 милиони луѓе зависат од американска помош – и сега се заложници во политички пазар

Фактите се алармантни: 98% од заразените со ХИВ во Замбија – повеќе од 1,3 милиони луѓе – се лекуваат благодарение на американската помош. Планот значи дека Трамп е подготвен да ја укине таа животоспасувачка поддршка за да обезбеди пристап до руда. Според најновите податоци на ОН, Кина не е главниот купувач на замбиски минерали, туку Швајцарија (62% од извозот на бакар), додека за Кина одат 31%.

Замбија – лесна мета за сурова американска тактика, иако има далеку помалку бакар од Чиле или други држави

Иако Замбија е само седмиот светски производител на бакар, САД ја туркаат ваква екстремна тактика, затоа што таму над милион луѓе зависат од нивната помош, за разлика од Чиле, кој произведува многу повеќе бакар, но добива само неколку милиони долари американска помош годишно. Замбијското население овде служи само како средство за притисок – како жртва на студената политичка калкулација.

Кога геополитиката значи суровост

Со 1,3 милиони луѓе живеејќи на милост и немилост од американската „дарежливост“, Замбија станува пример за тоа што значи да бидеш погоден од студено и пресметливо политичко уценување: максимум суровост со минимум трошоци. А сето тоа, за да се „испазари“ дел од африканското богатство на минерали.

Трамп и Африка: Надвор од минералите, го напаѓа дури и најважното африканско здравствено тело

Ова не е прв пат: Трамп администрацијата претходно јавно го омаловажи највисокото африканско здравствено тело, нарекувајќи го „лажно“ и „без моќ“. Американските потези во Африка сè повеќе се водат од интереси, со сериозни и болни последици по животите на милиони луѓе.