Апсолутно одвратната причина зошто луѓето почнале да се бакнуваат — и нема никаква врска со љубовта

Време е да се збогуваме со сите претпоставки.

Можеби мислите дека знаете зошто луѓето уживаат во бакнувањето, но ново истражување објавено овој месец ја откри вистинската причина зошто се бакнуваме.

Истражувањето на Адриано Р. Ламејра, доцент по психологија на Универзитетот во Ворвик во Англија, открива дека бакнувањето било дел од еволутивен инстинкт и дека започнало како начин на „груминг“ или одржување на хигиената кај другите.

„Доказите укажуваат дека бакнувањето не е знак на наклонетост кај луѓето,“ изјавил Ламејра, кој смета дека бакнувањето некогаш било дел од метод за отстранување вошки.

„Тоа, всушност, претставува остаток од првобитниот облик на груминг кој кај приматите имал своја функција, контекст и начин на изведување“.

Според истражувањето на однесувањето кај мајмуните, „бакнувањето е веројатно последната, сочувана фаза на груминг, каде што ‘грумерот’ ги истакнува усните и ја цица кожата или влакната на другиот за да ги отстрани остатоците или паразитите. Ова го правело грумингот важен за хигиената, со оглед на големата изложеност на паразити на земјата,“ објаснува Ламејра.

Сепак, со еволуцијата и намалувањето на влакненоста кај луѓето, грумингот станал сѐ помалку неопходен, па останало само она што денес го препознаваме како бакнување.

Ламејра проценува дека луѓето станале „мајмуни кои се бакнуваат“ пред околу 2 до 4 милиони години, а најраните записи за бакнување кај луѓето се пронајдени во месопотамски текстови од околу 2500 година п.н.е.

Како бакнувањето добило сексуален карактер, „останува поголем предизвик за објаснување,“ забележува Ламејра, истакнувајќи дека бакнувањето со „сексуална намера“ е „посебен случај“ и дека ќе бидат потребни дополнителни истражувања за да се разбере како бакнувањето и сексот се поврзале.

„Само кога бакнувањето било прифатено како општа форма на покажување наклонетост, можело да стане меѓусебен акт на контакт со уста,“ објаснува Ламејра.

Денес, бакнувањето е „кристализиран симбол на доверба и припадност,“ додава Ламејра.

„Малку природни човечки сигнали ја носат симболиката и социјалната вредност на бакнувањето,“ нагласува тој.