Арканзас забранува трансродови спортисти во женски спортски тимови

Арканзас, САД, забрани трансродови жени и девојчиња да се натпреваруваат во женските спортски тимови.

Предлог-законот, кој беше предложен од републиканците минатиот месец, беше потпишан, од државниот гувернер Аса Хачинсон вчера, на 25 Март.

Хачинсон рече дека се согласува со „намерата“ на законот, наречен „Закон за праведност во женските спортови“.

„Го потпишав законот како љубител на женскиот спорт од кошарка до фудбал и вклучително и многу други во кои жените успешно се натпреваруваат“, рече тој во изјавата.

„Овој закон едноставно вели дека спортистките не треба да се натпреваруваат во спорт против соучесник од машки пол кога спортот е дизајниран за женска конкуренција. Како што претходно изјавив, се согласувам со намерата на овој закон. Ова ќе помогне во промовирање и одржување на правичноста во спортските настани на жените “, додаде тој.

Арканзас е втора држава во САД што ја спроведува забраната откако Сенатот под контрола на републиканците во Мисисипи го усвои предлог-законот на почетокот на овој месец, потпишан од гувернерот Тејт Ривс.

Ривс претходно изрази поддршка за нацрт-законот, наведувајќи дека дозволувањето на трансродовите девојки да се натпреваруваат во женски спортови „ја ограничува можноста за многу натпреварувачи“.

Ова доби значителен притисок од групите nа граѓански права, кои велат дека тоа само ќе ја зголеми дискриминацијата со која веќе се соочуваат транс-младите.

Холи Диксон, извршна директорка на Американската унија за граѓански слободи во Арканзас, рече дека законот „е дискриминаторски и срамен обид на политичарите да стигматизираат и исклучат трансродови лица“.