Австралијка се заљубила во шетањето гола пред своите деца и тоа им го советува на сите мајки

Австралијка решила гола да се шета низ куќата за да ги научи своите ќерки да не се срамат од своето тело.

43-годишната Лиза Стјуарт отсекогаш се срамела поради своето тело. Во младоста причината била тоа што ја задевале поради малите гради. Потоа, по раѓањето на двете ќерки, Австралијката се здебелила и почнала да избегнува огледала и интимност со партнерот поради гадење за нејзината дебелина. Во 2013 година таа се разделила од таткото на своите деца и решила радикално да го промени својот живот. А можеби ако пред тоа се шетала гола немала да се раздели од таткото, ама на кој да му текне.

Прво, Лиза во својот живот го вклучила редовното вежбање, а потоа, откако прочитала за супермоделот Хајди Клум, која често шета по дома топлес, решила да го следи нејзиниот пример. Кога нејзините ќерки имале 8 и 11 години, жената почнала да се шета низ куќата целосно гола. Според неа, девојчињата првично биле збунети од оваа промена, но набрзо се навикнале на новата состојба на работите.

Лиза во својот текст ги советуваше сите мајки да поминуваат повеќе време голи околу своите ќерки. Таа верува дека оваа практика им помага на децата да се навикнат на глетката на голотија и да прифатат како изгледаат вистинските жени. Лиза верува тоа ќе ги ги научи нејзините тинејџерки на самодовербата што таа самата ја стекнала на 35 години.