„Белата смрт“ – древна македонска хорор приказна која ги плашела децата, но и возрасните

Долго време, во еден планински регион луѓето биле исплашени од една непозната и страшна сила наречена Белата смрт. Силата луташе низ шумите и селата, најчесто во ноќните часови, кога целата област беше обвиена во темнина и мистерија.

Луѓето долго време се припремале за ноќта. Се знаело дека штом почне да се стемнува сите мора веднаш да се вратат дома и да ги заклучат сите прозори и врати во куќата. Сепак никој не знаел што точно е Белата смрт и што се случува кога се појавува. Затоа дури некои луѓе и ги барикадирале куќите.

Тие имале слушнато многу приказни за луѓе кои исчезнале или биле најдени во необјасниви состојби, што додавало на стравот и невербата околу неа.

Една ноќ додека селото било покриено со магла и мрак, еден млад и храбар маж не можел повеќе да живее така и решил да истражи што се крие зад приказната за Белата смрт. Топло се облекол, земал фенер и заминал во најопасните делови на шумата. Одејќи по мрачните стази на шумата срцето му биело силно и стравот го преполовувал. На моменти си мислел дека ја направил најголемата грешка во животот, но неговата желба за вистината го водела напред.

Тој одел и одел длабоко во шумата се додека неговиот фенер не засветел силно, одеднаш, осветлувајќи илјадници бели гробови. Тој застанал зачуден и исплашен, но знаел дека сега веќе нема назад. Внимателно и смело почнал да ги истражува гробовите, со надеж дека ќе најде одговор на загатката.

Така во еден од гробовите здогледал стара, изгорена книга со едвај читливи страници. Зачуден и возбуден од неговиот пронајдок, ја земал книгата и ја отворил. Кога почнал да чита сфати дека во неа има многу древни тајни. А едната од нив била тајната за стравот. Така тој разбра дека всушност Белата смрт е легенда создадена од поколение на поколение како начин да се преброди стравот и препреките во животот.

Тој среќен се вратил во селото и бил прогласен за херој што го победил стравот и неизвесноста. Луѓето ја ширеле приказната за неговото откритие и го прославувале за херој на селото. Од тогаш па натаму луѓето се осмелувале повеќе да истражуваат и да ја преминат границата на своите стравови.

Во селото владеело мир и веќе никој не се плашел од ноќта, а „Белата смрт“ стана приказна за учење и поддршка на новите поколенија.