Бензиска во Калифорнија продаде добитно ливче со џекпо од 1,22 милијарди долари – три години откако пожар ја уништи бензиската

Семејството Синг, сопственици на бензинската пумпа Circle K (Sunshine Food and Gas) во Котонвуд, Калифорнија, со воодушевување ја прифатиле веста дека нивната продавница е дел од добивката на џекпотот од Mega Millions во износ од 1,22 милијарди долари. Оваа среќа доаѓа три години откако пожар целосно ја уништи нивната продавница.

Семејството Синг, кое ја поседува продавницата веќе две децении, добило информација за среќниот настан еден час по извлекувањето.

Ишар Гил, син на Јаспал Синг и директор на операциите на продавницата, бил известен од лотаријата во 9:30 часот по локално време. Првично не можел да поверува на веста.

„Морав да ја прочитам пораката два-три пати“, изјави Гил за KRCR. „Му кажав на татко ми, и тој праша: ‘Дали сте сигурни? Дали навистина сме дел од ова?’ Сите се возбудени.“

Добитните броеви биле 3, 7, 37, 49, 55 и златниот Mega ball со број 6.

Гил добил потврда од службени лица во 11:30 часот и бил информиран дека ќе извршат проверка на продавницата следниот ден.

Калифорниската лотарија ќе им додели на семејството Синг бонус за продажбата на добитниот ливче. Продавниците добиваат половина процент од џекпотот, до максимум еден милион долари.

Сè уште не е познато кој е добитникот на џекпотот ниту кога било продадено добитното ливче.

Добитникот може да избере меѓу целосната сума од 1,22 милијарди долари која се исплаќа во рок од 29 години или еднократна исплата од 549,7 милиони долари.

Патот до закрепнување

Во август 2021 година, бензинската пумпа била целосно уништена од пожар, што го принудило семејството на тежок двегодишен процес на обнова. Пумпата повторно била отворена во март 2023 година.

Семејството Синг изјавило дека немаат намера да го напуштат Котонвуд, град со околу 6.000 жители, и планираат дел од наградата да ја вложат во заедницата.

„На нашата неверојатна заедница – ви благодариме што не поддржувавте и што сте дел од нашите секојдневни животи. Без разлика дали сте доаѓале по гориво, закуски или само за пријателски поздрав, вие сте нашата инспирација“, напишаа тие на Facebook.

„Еве за соништата што се остваруваат и за прекрасните луѓе кои го прават Котонвуд толку посебно место.“