Бесната возачка призна дека „научила лекција“ откако беше тресната од земја од човекот кого го нападна

Катрена Ајкен, 36 години, самата се идентификуваше како жената од видеото кое стана вирално месецов.

Мајката заврши на земја откако го нападна сопатникот од друг автомобил за време на расправија, додека тој се обидуваше да се оддалечи од неа.

Ајкен се огласи на локална Фејсбук група, признавајќи дека таа била возачката на синиот автомобил Форд, виден во видеото.

Нејзиното признание предизвика бројни прашања од другите членови, меѓу кои и дали навистина „научила лекција“ тој ден.

„Секако дека научив! Се надевам дека сите научивме лекција!“ одговори Ајкен.

Ова не е првпат Ајкен да има проблеми со законот. Според онлајн записи, во 2011 година ѝ била изречена условна затворска казна од 60 дена за попречување на бизнис. Таа изјавила дека не е виновна за прекршокот, но сепак била казнета со 1.000 долари плус судски трошоци. Дополнителни детали за инцидентот не се објавени.

Што се случил во инцидентот

Во видеото, Ајкен се гледа како вика на возачот на црвен автомобил зад неа, обвинувајќи го дека ѝ се приближил премногу.

Со навреди и закани таа излегува од својот автомобил, додека сопатникот од црвениот автомобил, облечен во пижами, излегува да ја смири ситуацијата.

„Ајде, излези од проклетиот автомобил,“ вика таа, отворајќи ги рацете кон него.

Мажот се обидува да ја избегне расправијата и започнува да се оддалечува, но тоа само ја разлути Ајкен уште повеќе.

Додека тој си заминуваше, Ајкен му зададе удар одзади. Мажот се сврте, одговори на ударот и ја фрли на замрзнатата улица.

Ајкен остана на земја, држејќи ја главата и стенкајќи, додека друг возач кој го видел инцидентот ѝ рече да се врати во својот автомобил.

Таа се оддалечи куцајќи, но без знаци на сериозна повреда.

Полицијата во Толедо соопшти дека инцидентот не бил пријавен и дека нема планови за покренување на кривична постапка.