„Бев во шок кога дознав дека маж ми ЗАБРЕМЕНИЛ од друг маж – но денес заедно го растеме бебето“

Содржина:

• Отворена врска и полииљубовен однос
• Неочекувана бременост и судбоносен момент
• Раѓање и прифаќање
• Индуцирање лактација: Како Даниел започна да дои
• „За ништо не жалиме“

Отворена врска и полииљубовен однос

И покрај чувствата, Такер чувствувал дека не може целосно да ја задоволи Даниел, па предложил да имаат отворена врска – нешто што и двајцата го прифатиле.
„Ова беше основата на нашата врска,“ објаснува Такер. „Јас сум прилично повлечен и немам голем сексуален нагон, и не сакав таа да се чувствува дека мора да се откаже од сопствените потреби за да бидеме заедно.“
Така, започнале врска во која секој од нив можел да има и други партнери. Немале љубомора, понекогаш излегувале со други луѓе поединечно, а понекогаш и заедно.

Неочекувана бременост и судбоносен момент

Парот се свршил во 2023 година. Во април 2024, Такер открил дека е бремен – од маж со кој бил во врска на страна, и покрај тоа што користеле заштита.
Во исто време, Даниел се обидувала да остане бремена со помош на донатор на сперма, со цел да создадат семејство. Сметале дека ова било судбина.
„Дури и како трансродова личност, секогаш сум замислувал дека ќе носам сопствено дете,“ објаснува Такер. „Кога почнав со хормонската терапија, прифатив дека веројатно нема да имам или да носам деца. Бев возбуден, но и многу загрижен за тоа што значи ова за нас.“

Раѓање и прифаќање

Парот се венчал во август, а нивната ќерка Маја се родила во февруари 2025 година. Биолошкиот татко на детето не е дел од нејзиниот живот.
„Тој рече дека ментално и финансиски не е подготвен да биде дел од нејзиниот живот, и ние го почитуваме тоа,“ вели Такер. „Ќе бидеме искрени со Маја кога ќе биде доволно возрасна да разбере. Ќе ѝ одговараме на прашањата со вистината и на ниво кое ќе може да го разбере.“

Индуцирање лактација: Како Даниел започна да дои

Бидејќи Такер направил радикална мастектомија во 2017, немал можност за доење. Затоа Даниел поминала низ долг процес на индуцирање лактација – хормонска терапија и специјален распоред на пумпање – за да може да дои и да се поврзе со Маја.
Иако се отворени за својата неконвенционална врска, на интернет добиваат многу негативни коментари, па дури и закани.
„Најчесто луѓето едноставно немаат доволно искуство или разбирање за трансродовата заедница,“ вели Такер. „Некои не можат да сфатат зошто би сакал да бидам бремен кога сум го одбил женскиот идентитет.“
Но наместо да бидат повредени, Такер и Даниел велат дека најчесто се смеат на иронијата во коментарите и продолжуваат да живеат среќно.

„За ништо не жалиме“

„Маја ја нарекуваме нашето геј чудо бидејќи направивме сè за да не ја добиеме, а таа сепак се роди – како да беше судено,“ завршува Такер.
„Не мораш да избираш меѓу среќен и автентичен живот и семејство. Патував од моментот кога мислев дека нема да доживеам 16 години, до сега – имам прифатено семејство, сопруга, партнери, прекрасно бебе и голема љубов кон себеси.“