„Бев запрепастен и вознемирен“ – На пензиониран свештеник му било забрането да носи мал крст додека волонтирал во британска болница, тешејќи ги смртно болните

Пензионираниот капелан Дерек Тимс (77) поминал пет години тешејќи ги смртно болните пациенти и нивните семејства во болницата „Марија Кири“ во Бирмингем, носејќи привезок крст како симбол на неговата вера. Побожниот 73-годишник вели дека никогаш не добил ниту една жалба, но во септември новиот методистички министер задолжен за капеланитот му рекол дека не смее да го носи бидејќи тоа може да создаде бариера меѓу него и пациентите.

Ди Једон му рекол на Тимс: „Не треба да носат религиозни симболи оние кои се занимаваат со духовна грижа. Треба да бидеме тука за луѓето од сите вери и од ниедна вера“

Тимс ветил дека ќе го чува крстот бидејќи покажува дека е христијански свештеник и се запрашал дали истото правило важи и за Сиките со турбани и за муслиманите кои носат бурка или молитвен фустан. Откако тој одбил да го отстрани крстот, на Тимс му било кажано дека ќе му треба повторна обука – и нема да му биде дозволено да работи како капелан ако продолжи да го носи.

Но, со поддршка на Христијанскиот правен центар, г-дин Тимс на крајот добил безрезервно извинување од хосписот. Добротворната организација, исто така, призна дека нема политика за забрана на верски симболи и дека барањето било направено по грешка.

Г-дин Тимс рече: „Бев целосно запрепастен и вознемирен. Чувствував дека нема право да ме спречи да го носам крстот. Во „Марија Кири“ се молев со муслиманите, Хиндусите и Сиките. Се молев за христијаните и нехристијаните, религиозните и нерелигиозните. Се молев за сите и никој до сега не бил навреден. Можеби би разбрал да е огромен крст, но тоа е само мал привезок“.