Бездомник, воен ветеран, изградил дрвена шупа на најпознатиот булевар во Лос Анџелес. Но ова не е било каква шупа!

Бездомник изгради сопствен функционален дом на булеварот Холивуд во Лос Анџелес – полн со генератор на струја и цветна градина.

Идентификуван како „Q“, човекот ја изградил бараката на тркала користејќи стари штици од дрво од градилиштата бидејќи привремените опции за домување во градот се како „концентрациони логори“.

Скролајте надолу за видео.

Импровизираниот дом, поставен на јавниот тротоар е украсен со разни растенија на неговата надворешност – а човекот рече дека тоа е надградба од шаторот во кој претходно живеел. Градбата која „боде во очи“ ги надополнува другите неодамнешни градби изградени од бездомниците во Лос Анџелес – вклучително и еден шатор со 10 луѓе во кој имаше машина за перење што работи.

Опуштените шатори, ‘рѓосаните камп приколки и импровизирани структури станаа вообичаени долж булеварот Холивуд до плажата Венеција – па дури и во сенката на Градското собрание.

Роден во Канзас Сити, Кју живее во градот неколку години и веќе неколку месеци се засолнува во својата барака на тротоар.

„Веројатно има подобри места од ова, но мислам дека никому не му пречам овде“ , рече тој .

Тој кажа рече дека му било понудено привремено сместување, но одбил, велејќи дека го претпочита својот импровизиран дом бидејќи тоа го „овластува“. Други опции прават да се чувствува како да живее во „концентрационен логор“.

Локалниот одговор кон домот на Кју е измешан, бидејќи некои покажуваат емпатија кон него, додека други го нагласуваат неговиот неоправдан престој.

„Не ми се допаѓа, не е добро“, рече една жена.

Ренс Шо, кој работи во „City Vibes Coffee“ спроти домот на „Q“, рече дека не му пречи да живее таму.

„Не знам ни зошто, или како – мислам, тоа е лудо“, рече Шо. „Тоа е лудо, во најмала рака. Тој никому не пречи, и искрено, мило ми е што е токму таму, бидејќи таму се чувствувам побезбедно со него. Поради некоја причина – не знам зошто – се чувствувам како да знае што прави и дека не е тука да повреди некого“.

Друг човек повика: „Таму е малку чудно, но тој е безбеден и не мора да се грижи дали некој ќе му го запали шаторот“.

Некои додаваат дека ситуацијата на Кју е показател за растечкото бездомно население во градот, кое стана доминантно прашање на претстојните избори за градоначалник.

„Не е во ред што е дојдено до оваа точка“, рече еден човек. „Фактот што е тука, немам проблем со тоа“.

Полицијата во Лос Анџелес му пристапи на Кју за неговиот дом и постојано му кажуваше да ја премести структурата.

Воениот ветеран, Кју се опишува себеси како „самовработен“ додека поправа велосипеди за локалното население. Во иднина, тој рече дека сака да биде машински инженер и да започне сопствен бизнис. Одлуката за изградба на домот следеше по бројните средби со градските санитарни работници кои го принудија да го напушти шаторот во кој се засолнуваше. Тој вели дека планира да продолжи да живее во домот и покрај можните реакции.

„Не знам од каде доаѓаат или зошто веруваат во она што веруваат“, рече тој.

Зачудувачки слики покажуваат бездомници во Лос Анџелес како синфонираат вода и струја во камповите кои никнуваат низ улиците на градот – со еден камп кој може да се пофали со работна машина за перење и голем шатор, блокирајќи го влезот на локалниот бизнис