Божјото чудо, нераспаднатото тело на Света Тереза од Авила, беше повторно изложено за јавноста: „Нејзиното лице беше речиси целосно“
Нераспаднатото тело на Света Тереза од Авила беше изложено за јавноста повторно по 1914 година. Светицата починала во 1582 година, пред 440 години, а нејзините остатоци биле пронајдени во исклучително зачувана состојба во црква во Шпанија.
Телото било изложено во базиликата на Богородица на Кармелската гора во Алба де Тормес, каде што верниците се собрале во голем број да ѝ оддадат почит. Нејзиното лице било „јасно видливо“, а нејзините екстремитети „нераспаднати“, што повторно ја покренало темата за „божјо чудо“.
Што имало во и на нејзиното тело?
Изложувањето било организирано од страна на црковни и научни претставници, предводени од отец Марко Киеса, кој изјавил дека „може да се види средишниот дел од лицето, иако кожата е мумифицирана“. Тим од лекари и научници веќе започнале анализа на остатоците, со цел да се добијат информации за здравствената состојба на светицата и за можни методи за зачувување на реликвии.
Во нејзините стапала биле откриени калцификати – слични на боцки од морски ежови – што, според експертите, укажуваат на болки кои ја мачеле при движење. И покрај тоа, Света Тереза пешачела до Алба де Тормес, каде што и починала.
Нејзиното тело е опишано како „нераспаднато“, а истражувањата се уште се во почетна фаза. Чувано е под строг режим, со ковчег што може да се отвори само со 10 клучеви, распоредени меѓу различни институции.
Mnogu se loši lugeto samo Gospod Isus Hristos e dobar Slava na Gospoda
Коментирај анонимно