Брачен пар од Западна Вирџинија ги принудувале своите посвоени црни деца да работат како робови и да живеат во штала

Богат пар од Чарлстон, Западна Вирџинија, Доналд Реј Ланц (63) и Џин Кеј Вајтфедер (62) се обвинети дека ги принудувале своите посвоени црни деца да работат како робови и да живеат во заклучена штала. Тие се изјаснија дека не се виновни по повеќе обвиненија, вклучително и трговија со луѓе и запоставување деца.

Двојката ги таргетирала нивните пет деца, на возраст од 16, 14, 11, девет и шест години, поради нивната раса, користејќи ги како робови, според судијката на округот Канава, Мериклер Акерс. Во октомври, 16 и 14-годишниците беа пронајдени во валкана барака без светла, храна и вода и со поставена камера за да ги гледаат. Децата носеа валкани алишта и имаа рани на нозете.

Имотот на парот, каде што е пронајдена бараката, е дом со три спални соби од пет хектари во вредност од 295.000 долари. Тие, исто така, продале дом од 80 хектари во Вашингтон за 725.000 долари по нивното апсење.

Вајтфедер изјави дека шталата во која се пронајдени девојчето (16) и момчето (14) е „тинејџерски клуб“ и тие не биле држени против нивна волја. Таа дури тврдеше дека ги школува дома и тие „сакале“ што се заклучени таму. Сепак тинејџерката откри дека биле затворени околу 12 часа и последен пат ги нахраниле во 6 часот наутро. Шупата имала само мал нокшир и немала вода, а децата биле принудени да спијат на бетонскиот под.

ќ

Соседите пријавиле дека децата биле принудени да работат на фармата и не смееле да влегуваат во главната куќа.

Три часа откако ги пронашле постарите деца во заклучената барака, пронашле деветгодишно девојче заклучено во главната куќа на семејството. Ланц дошол дома со 11-годишното момче, додека Вајтфедер им го предала нивното шестгодишно девојче на властите.

Службите за заштита на децата го презедоа старателството над децата. Двојката се соочува со нови обвиненија, вклучително и трговија со луѓе со малолетно лице, употреба на малолетно дете за принудна работа и занемарување на детето, создавајќи значителен ризик од сериозни телесни повреди или смрт.

Нивната обврзница сега е одредена на 500.000 долари секоја – што е за 300.000 долари повеќе од секоја нивна оригинална обврзница. Во последното обвинение во кое се наведени зголемените обвиненија се тврди дека двојката е виновна за кршење на човековите права, тврдејќи дека парот ги принудувал своите деца на тешка работа поради нивната раса.

Обвинителите се сомневаат дека парите од обврзниците на парот можеби потекнуваат од трговија со луѓе. И покрај тврдењето дека немаат имот, парот го продал својот ранч во Вашингтон за 725.000 долари и нивниот дом во Западна Вирџинија за 295.000 долари.

Соседите претходно пријавија загриженост за децата, но првичните посети на полицијата не откриле погрешни постапки. Сепак, поплаките за принудна работа и запоставување и понатаму опстојуваа.

Парите од обврзниците на двојката сега се кај судот и може да им бидат префрлени на децата во фонд. Адвокатот на Вајтфедер тврди дека приказната има две страни. Нивното следно судење е закажано за 9 септември.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!