Цел свет му се смееше, а сега само тој остана со целосна куќа: Идејата на човекот да ја врзе куќата со ремени за да не му ја однесе ураганот МУ УСПЕА

Напорите на еден човек од Флорида за да го спречи неговиот дом да биде оштетен од ураганот Милтон се чини дека вродија со плод.

На фотографијата која стана вирална, сопственикот на домот Мохамед Ниџем имал луда идеја да го прицврсти својот семеен дом во обид да спречи голема штета бидејќи бурата од трета категорија ја зафати областа. И покрај тоа што луѓето на интернет му се смееа, Ниџем си го спаси домот со овој потег.

Мохамед поставил шест огромни ремени околу својот еднокатен дом во обид да го спречи да се сруши или да го оддува ветер кога ќе започне бурата. Огромните пластични ремени, како што вообичаено се користат за држење на товарните контејнери на бродовите, потоа беа поврзани со куки во земјата со цел да се спречи кревањето на покривот додека невремето ја зафати областа.

Мохамед потрошил 22.000 долари за цементни куки и специјално направени по нарачка ремени за кои се вели дека можат да издржат 5.400 килограми тежина.

Ќерката на Мохамед, им овозможи на гледачите многу очекувана прошетка низ домот за да им овозможи на следбениците да видат како поминал домот.

„За среќа добро сме. Има само многу лисја насекаде, но сè уште е недопрено. Има многу погодени области во близина на нашиот дом. Домот е недопрен. Ниту една ќерамида, ниту плочка не се крена од покривот. Се е добро. Не ги симнуваме ремените додека ураганот не заврши!“, објасни таа за време на прошетката.

Пред да зафати невремето, корисниците на социјалните мрежи му се смееа на Мохамед, но кој последен се смее, најслатко се смее.