„ChatGPT ни ја спаси врската“: Запознајте ги паровите што плаќаат AI да им биде „судија“ во љубовта

Содржина:

• Дигитална терапија по пристапна цена
• AI терапија – алтернатива за скапи сеанси
• Луѓето повеќе веруваат на AI отколку на терапевтите?
• Кој е во право? ChatGPT ќе пресуди
• AI против кавги од глад
• AI како личен советник по раскинување

Дигитална терапија по пристапна цена

Со само 20 долари месечно за премиум верзијата, ChatGPT им помага да ги решат несогласувањата без непотребен стрес или потреба од посредник во реалноста.
„Сѐ што ни треба е WiFi – и малку разум“, вели Бала.
Сепак, AI понекогаш знае да даде бизарни предлози. Еднаш, во обид да го „зачини“ нивниот однос, им предложи да ја отворат врската за нови партнери – идеја што веднаш ја отфрлија. Потоа, препорача Бала да му даде на Версачи „картичка за излегување“ – дозвола да излегува со други жени.

Наместо кавга, двојката само се насмеала, заборавајќи за што воопшто се расправале.„ChatGPT е чудно корисен за смирување на кавги“, признава Бала. „Ниту еден од нас не сака да се расправа со робот.“

 

AI терапија – алтернатива за скапи сеанси

Со порастот на генеративната AI сè повеќе парови ја користат како алатка за подобрување на комуникацијата.
Наместо да трошат стотици долари на терапевт – сеансите во Њујорк можат да чинат и над 400 долари – некои парови се потпираат на виртуелен советник.

Но, експертите предупредуваат дека ова е нова технологија со свои ограничувања.
„ChatGPT може да биде корисен за подобрување на комуникацијата, но не може да ја замени стручноста на психолозите“, вели Ешли Вилијамс, лиценциран терапевт од Њујорк. Таа предупредува дека личните податоци што корисниците ги споделуваат со АИ можат да бидат изложени на ризик.

 

Луѓето повеќе веруваат на AI отколку на терапевтите?

Според истражување на Hatch Data и Mental Health од февруари 2025 година, луѓето често ги претпочитаат советите на ChatGPT пред оние на вистински терапевти. Учесниците во студијата ги оцениле одговорите на ботот како „попозитивни“ и поохрабрувачки.
„Четботите можат да помогнат при размислување за одговори во незгодни ситуации“, вели психологот Сузан Алберс од Cleveland Clinic. „Тие не судат и се финансиски достапни.“

 

Кој е во право? ChatGPT ќе пресуди

Версачи (29), кој работи како дата-научник, вели дека најмногу му одговара неутралноста на AI.
„Терапијата е скапа, а понекогаш само ти треба некој неутрален да ти каже кој е луд во ситуацијата“, вели тој.
Слично искуство има и Грејс Миџу (35) од Вилијамсбург, која со својот партнер Ерик (40) редовно користи ChatGPT за решавање конфликти.
„Му ги испраќаме нашите разговори и бараме совет“, вели Миџу. „Ни помага да се оддалечиме од моментот и да размислиме што навистина значи проверувањето преку пораки во врската.“

 

AI против кавги од глад

Кетрин Геце, позната на социјалните мрежи како „CatGPT“, исто така ѝ се заблагодарува на AI што ја спасила од бесмислени расправии.
„Имавме огромна кавга за нешто банално додека вечеравме“, раскажува таа. „Отидов дома, му пишав на ChatGPT, а тој ми рече: ‘Веројатно беше гладна. Не си јадела цел час. Беше само гладна и нервозна.’“
Таа и нејзиното момче веднаш се смириле

 

 

 

 

AI како личен советник по раскинување

Дури и сингл луѓето наоѓаат утеха во ChatGPT.
Грејс Кларк, маркетинг стратег од Њујорк, вели дека AI ѝ помогнал да го преброди неодамнешното раскинување.
„Му реков на ChatGPT да ми даде директни, специфични и сурови критики“, објаснува таа.
Четботот веднаш идентификувал нездрави навики, како прекумерно пишување пораки и бурни реакции.
„Ми даде прашање што ми помогна да се фокусирам: ‘Ако гледаш на ова раскинување по една година, како би сакала поранешниот партнер да зборува за тебе?’“
Со нова перспектива, таа сега се чувствува подготвена за иднината.
„Се чувствувам отпорно“, вели Кларк. „Возбудена сум за следната врска – дури и ако звучи чудно што советот го добивам од машина.“