Човек да го жали: Канје Вест изјави дека бил на „два месеци“ пред банкрот откако изгубил 2 милијарди долари за еден ден, затоа што „Адидас“ му откажа соработка

Канје Вест тврди дека бил на „два месеци“ од прогласување банкрот, откако изгубил 2 милијарди долари во еден ден кога „Адидас“ го прекина партнерството со „Yeezy“.

Раперот (46) го загуби статусот милијардер во 2022 година кога голем број брендови ги прекинаа неговите профитабилни договори поради неговите антисемитски испади и беа лути поради неговата одлука да промовира маици „White Lives Matter“ на неговата ревија на модната недела во Париз.

Канје рече дека вложил „сè што имал“ во неделната реклама за „Super Bowl“ вредна 7 милиони долари за неговиот моден бренд и неговиот нов албум, „Vultures“.
„Јас сум само искрен со сите вас. Имав два месеци од банкрот и ставив сè што имав во албумот и рекламата за Супер Боул“, изјави тој.

Канје рече дека кога неговото богатство почнало да опаѓа, тој се преселил во Италија со неговата сопруга Бјанка Ценсори.
„Се преселивме во Италија. Се преселивме во фабриките и преживеавме. Преживеавме преку откажувањето. Се враќаме како број еден“, рече тој.

Во понеделникот, Канје сподели дека „Yeezy“ заработил 19,3 милиони долари од рекламата за „Super Bowl“, а „Vultures“ беше број еден во 100 земји.

На прашањето дали чувствува дека контроверзноста му „помогна“, Канје одговори: „Не се работеше за контроверзноста. Се работеше за тоа да можеш гласно да кажеш како се чувствуваш. Да ги немав различните музички сетови на вештини и облека и базата на обожаватели, можев да бидам уништен. Но, бидејќи ги имав сите тие сетови на вештини, некако сум тука во овој универзум способен да се борам“.

Раперот се врати во центарот на вниманието во неделата вечерта со својата бизарна реклама за неговиот моден бренд за време на „Супер Боул“. За време на промото, снимено во задниот дел од автомобилот, Канје се пошегува дека неговиот тим фрлил толку многу готовина на местото на „Супер Боул“ 2024 година – за кое се вели дека чини 7 милиони долари за 30 секунди – и при тоа немале никаков буџет за да произведат реклама.

Тој рече: „Еј, овде е Је и ова е мојата реклама… (мојот тим) ги потроши сите пари на комерцијалното место (така што ние) всушност не потрошивме пари за вистинската реклама. Но, идејата е дека сакам да отидете на „Yeezy.com“ и купете си патики“.