Човек е постојано апсен од полицијата поради прекршок што го прави цело време, а притоа не кажува ни збор и глуми дека е нем

Криминалците доаѓаат во сите облици, но тие обично зборуваат за време на испрашувањето, или барем нудат едно „без коментар“. Но, не и овој човек.

Познат како „Тивкиот човек“, Дејвид Хемпсон направи хаос во Свонси со своите непрестајни блокади на патиштата. Наклонетоста на Хемпсон да стои за да го блокира сообраќајот го доведе во затвор повеќе пати, но тој само продолжува да го прави тоа.

Очигледно, 53-годишникот е целосно нем додека го прави прекршокот, за време на разговорот во полиција, па дури и на суд. Многумина веруваат дека тој организира протест од еден човек против сообраќајот, но неговиот брат има друга теорија. Џон, братот на Хемпсон, верува дека сето тоа е само трик за да се добие бесплатно сместување и храна.
Џон изјави: „Тој навистина не е нем. Тој никогаш не престанува да зборува. Навистина е прилично едноставно. Тој е разгалено детиште. Нема ништо слично како протест. Тој само го прави тоа за да има удобен живот во затворот“.

Хемптон, беше осуден на три и пол години затвор во 2021 година, откако поротата утврди дека тој бил „нем поради тоа што е злобен“, а не „нем од Бога“.

Судијата Пол Томас претходно го искара човекот и му рече дека има „ароганција и дрскост како никој друг“. Откако бил ослободен, Хемптон продолжил да ги блокира патиштата уште три пати и бил враќан во затвор.

Луси Менсфилд, која го гонеше Хемпсон, рече: „Полицијата го советуваше да ја напушти областа, но тој се врати директно на патот и затоа беше уапсен“.

Тој беше обвинет за попречување на автопатот, но одби да зборува на обвинителна клупа. Хемпсон подоцна беше осуден на шест месеци затвор и ќе отслужи до половина од казната во притвор. Откако првпат беше осуден во 2014 година, тој потоа беше уапсен во 2016, 2017 и 2018 година.

Судијата му нареди на Хемпсон да биде подложен на психијатриски извештај поради неговото однесување, но тој одби да разговара со лекарите. Докторот продолжи да тврди дека неговиот статус на нем бил „селективен и намерен“ и дека постои можност од социјални или финансиски „стресови“ кои придонеле за неговиот избор да не зборува.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!