Човек ги користи своите вештини за нуркање во потрага по изгубеното богатство и им го враќа на сопствениците

Мајк Пелеј (Мерман Мајк) е нуркач кој влегува во езера и реки од 2019 година со цел да го најде изгубеното богатство на луѓето и да го исчисти ѓубрето. Најдобриот дел е што тој го прави тоа бесплатно и едноставно не може да одолее на среќата што ја гледа кај луѓето кога им ги предава нивните изгубени скапоцености.

Уште како мал Мајк сакал да нурка. Меѓутоа, кога имал 15 години, имал страшна несреќа само 2 дена пред почетокот на часот. „После тоа, постојано правев изговори за тоа како сум премногу зафатен или не сум можел да си го дозволам тоа и си реков, ќе го сторам тоа следното лето. 12 години подоцна, бев инспириран од јутубер, ми се чинеше дека тој многу се забавува и дека многу пропуштам. Направив план и за еден месец ја добив лиценцата “., вели Мајкл.

Тој нурка по скапоцености повеќе од една година и ова за него е остварување на сонот. Тој еднаш нурнал во езерото и без помош на детектор за метал вратил венчален прстен на еден човек.

Мајк вели дека нема омилени предмети кои ги има пронајдено, но ако мора би одвоил некои: „Но, бидејќи мора да изберам, има 2 откритија кои беа, на некој начин, многу различни и интересни од другите. Првото е Вуду кукла ја најдов залепена околу карпа на дното на една река. Мојата девојка ми рече да не ја носам дома, но не ја послушав. Неколку недели подоцна имав несреќа со камионот и девојка ми ја обвинува куклата. Јас мислам дека е само лош тајминг. Куклата е се уште во мојот трезор со богатства.

„Следното најинтересно откритие беше денот кога нуркав под мост и најдов торба исполнета со месинг, па дури и позлатени предмети, сите завиткани индивидуално во облека. Имаше и бакарен лист на кој имаше многу натписи на друг јазик што се обидувам да го преведам затоа што чувствувам дека дефинитивно ќе ја расветли мистеријата зошто торбата била фрлена во реката пред се!“

„Најскапиот предмет е дефинитивно прстенот вреден 17.000 американски долари што го извадив од реката Сакраменто. Изгледаше како прстен од Супербоул и беше покриен со дијаманти. Сепак, монетарната вредност не беше единственото нешто што беше посебно за него, неговата сентиментална вредност беше бесценета. Припаѓа на починатиот брат на еден човек. На овој човек му паднал додека бил на брод.“, вели Мајк.

Кога најде богатство, неговиот приоритет е да го пронајде сопственикот. Тој го фотографира предметот и го објавува на социјалните мрежи. Потоа голем број на луѓе ги споделуваат неговите објави се додека не се пронајде сопственикот.