Човек кој ги избришал социјални мрежи пред четири години ги открива работите кои целосно му го промениле животот

Мет Спир ги избришал социјалните мрежи во 2020 година и никогаш не се вратил назад.

„Тоа беше целосно губење време. Само седев и скролав без причина, споредувајќи се со другите“, изјави Мет на YouTube.

„Тоа е стапица, игра, како стаорец на тркало. Конечно си реков: Зошто се грижам за животите на другите кога сум толку несреќен самиот?“

Мет додал дека ги избришал апликациите и поради друга причина: „Ми се допадна идејата да бидам мистерија, да исчезнам од интернет и да се преобликувам.“

Денес, Мет вели дека е „многу подобра верзија од себе“ и додава: „Откако ги избришав социјалните мрежи, немаше ниту една негативна последица. Нема да најдете човек што ќе каже дека неговиот живот се влошил откако ги избришал социјалните мрежи.“

Во своето видео, Мет ги објаснува големите промени што ги забележал откако конечно ги напуштил апликациите засекогаш.

Без повеќе ФОМО

Мет откри дека откако ги напуштил социјалните мрежи, конечно можел да се фокусира на себе и да го „убие“ ФОМО (стравотод пропуштање).

„Го отстранив стравот, кого го интересира што прават другите луѓе? Веќе не ми пречи да бидам сам“, изјави тој.

„Повеќе се грижам за тоа што јас правам и што ќе постигнам. Искрено, воопшто не ми е важно што прават другите.“

Мет препорачува дека ако некој не сака целосно да ги избрише своите профили, барем да направи едномесечна пауза за да ги почувствува придобивките.

Повеќе време

Мет верува дека социјалните мрежи се „зависност“ и дека конечно е „слободен“ од постојаното проверување на телефонот, што му донело многу повеќе слободно време.

„Слободен сум од тоа“, вели тој.

„Моето време поминато пред екран е толку ниско. Што е толку привлечно на телефонот сега? Речиси ништо, нема ништо важно на него. Толку сум посреќен поради тоа… Тоа е губење време, дистракција што ве држи заглавени и зависни.“

Подобрување на менталното здравје

Мет вели дека забележал огромно подобрување на своето ментално здравје и среќа откако се откажал од апликациите.

„Тоа го подобрува вашето ментално здравје затоа што не сте постојано врзани за телефонот, туку се фокусирате на себе и како да се подобрите. Тоа е сè на што треба да се фокусирате“ вели тој.

Истражувањата покажуваат дека бришењето на социјалните мрежи може значително да го подобри менталното здравје. Една студија од 2022 година вклучила 154 учесници кои престанале да ги користат социјалните мрежи за една недела. Тие пријавиле значително намалување на анксиозноста и депресијата, како и подобрување на целокупната благосостојба.

Помалку потреба за валидација

Мет смета дека откако ги избришал социјалните мрежи, повеќе не бара валидација од другите.

„Веќе не живеев за другите, не одев на места со цел да направам ‘кул’ фотографија за Instagram за луѓето да ме лајкнат,“ објасни тој.

Мет се присети како во младоста бил на натпревар на Celtics каде седел покрај теренот, но наместо да ужива, поминал време размислувајќи како да направи добра фотографија.

„Престанувате да живеете за другите и да барате толку многу валидација. Тоа ми помогна, ме промени и целосно го подобри мојот живот“ додава тој.