Човек кој не користел шампон осум години ги покажува неверојатните резултати

Јутјуберот Garden of Aidan, кој веќе осум години не користи шампон, сподели како тоа влијаело врз неговата коса и скалп.

Во едно од неговите видеа, тој зборува за недостатоците на традиционалните производи за нега на коса. Минатата година, тој објави видео каде покажува како изгледал неговиот скалп кога редовно користел шампон против првут, пред целосно да се откаже од него.

Во видеото насловено „Резултати по 8 години без шампон“, Aidan објасни зошто се решил на овој чекор:

„Како што можете да видите, имав ужасна појава на лушпи на мојот скалп. Мораше брзо да го решам тој проблем, и решението кое го одбрав беше целосно да се откажам од шампонот.“

Во ажурирањето од септември 2024 година, Aidan сподели дека откажувањето од шампонот значително му помогнало со првутот, а неговиот скалп сега е „во совршена состојба“.

На своите над 20 илјади следбеници им објасни дека „главниот проблем со шампоните е постоењето на сулфати“ – состојка која е честа во повеќето шампони.

„Сулфатите се одлични за чистење коса, но проблемот е што тие се премногу агресивни. Тие ги отстрануваат не само нечистотиите и маснотиите, туку и природните масла на скалпот, што може да доведе до иритација Многу луѓе користат шампон секој ден, а тоа е многу штетно за здравјето на скалпот. Затоа не е изненадување ако секојдневно се соочувате со појава на првут.“

Тој препорачува да се премине на шампон без сулфати или да се користат природни замени за шампон, како што е миење со ладна вода.

Aidan тврди дека многу луѓе премногу често користат шампон, што на долг рок ја оштетува косата.

Сепак, брендот против првут Head and Shoulders објаснува дека причината за првут не е така едноставна.

„Првутот е предизвикан од микроорганизмот Malassezia globosa, кој е присутен на скалпот на сите луѓе. Но, кај околу половина од популацијата постои алергија на олеинската киселина која ја произведува овој микроорганизам. Ако вашиот скалп и коса се многу мрсни, веројатно ќе ви одговара шампон со сулфати. Но, за одредени типови коса, шампон без сулфати може да биде подобар избор – дури и ако имате првут“, објаснуваат тие.

„Ако вашиот скалп и коса се многу мрсни, веројатно ќе ви одговара шампон со сулфати. Но, за одредени типови коса, шампон без сулфати може да биде подобар избор – дури и ако имате првут.“