Човекот засади компири во обична картонска кутија и покажа колку е лесно да си одгледуваме храна дома

Содржина:

• Може ли обична картонска кутија да послужи како саксија?
• Како течеше грижата за компирите?
• Богата жетва од бесплатни материјали
• Следниот пат размислете двапати

Може ли обична картонска кутија да послужи како саксија?

Градинарот Џејмс Приџиони се запраша: дали обична картонска кутија би можела да издржи како саксија за компири? За да го провери тоа, зема едноставна картонска кутија, ја обложи со суви лисја за да задржува влага, стави 10-тина сантиметри почва (која самиот ја произведува дома), посади три компири од црвена сорта, покри со уште почва, додаде ѓубриво и ги поли со вода.
Во помала кутија засади и два бели компири, следејќи ја истата постапка.
По само две недели, никнаа растенија. Десетина дена подоцна, кутиите беа полни со зелени, здрави растенија. Приџиони објасни дека кога компирите ќе израснат доволно, треба да се „нагумираат“ (се додава почва околу стеблата) за да се поттикне поголемо создавање клубени и да се заштитат од сонцето. Додаде и малку слама за да ги одржи растенијата поладни во текот на летото.

Како течеше грижата за компирите?

Откако ги нагумираше, Приџиони продолжи само со редовно полевање. Двете сорти компири процветаа – знак дека клубените успешно се формираат. Листовите на црвените компири имаа мали проблеми со штетници, но не доволно сериозни за да треба да интервенира, додека белите компири останаа здрави.
„Ова само покажува колку изборот на сорта може да направи разлика во градината,“ рече тој.
Кога стеблата почнаа да се сушат – знак дека компирите се подготвени за вадење – Приџиони ги провери кутиите. И покрај тоа што беа обични еднослојни картони, кутиите одлично ја издржаа сезоната. Помалата кутија беше целосно зачувана, а поголемата имаше само мало пукање на еден агол, без да влијае на растот.

Богата жетва од бесплатни материјали

Кога ја отвори големата кутија, компирите буквално се редеа еден по друг — на крајот собра десетици компири од различна големина. Помалата кутија даде помал род, но сепак импресивен, ако се земе предвид дека биле засадени само две компирчиња.
Приџиони сакал да покаже дека за одгледување храна не ти треба ни двор, ни скапа опрема.
„Многумина имаат вакво мало просторче,“ рече тој. „Од сега па натаму, нема никогаш да ги гледам картонските кутии на ист начин. Толку многу начини има да ги искористиме во градината – и тоа бесплатно!“

Следниот пат размислете двапати

Следниот пат кога ќе ви остане празна кутиј немојте веднаш да ја фрлите. Наместо тоа, погледнете ја како можност – можеби токму во таа кутија ќе никне вашата прва домашна жетва. Нема потреба од скапи саксии или големи дворови — малку љубопитност, малку земја, и малку трпение можат да направат чудо.