„Да не се случеше војната, никогаш немаше да се сретнеме“. Погледнете ја љубовната приказна на овој Англичанец и украинската бегалка, која немала да се случи ако не постоел „Google Translate“

Лук Дикинсон (28) ја запознал бегалката Вира Климова (37) на „Фејсбук“ група формирана за да им помогне и да ги советува украинците кои бегаат од руското бомбардирање.
Но, романсата можела порано да заврши ако не беа чудата на модерната технологија. Лука раскажува како Вира не знаела англиски, па морале постојано да преведуваат пораки на нејзиниот мајчин јазик.

Тој вели: „Вира користеше „Translate“ на секоја порака бидејќи не знаеше англиски. Постојано се смеевме и шегувавме. Сите секогаш велат дека никој не ја разбира англиската смисла за хумор, но Вира иако не знаеше англиски, совршено ја разбра.

„Навистина ми се допадна, па јазичната бариера не беше важна“.
Лук се приклучил на неколку онлајн групи за да види дали има нешто што може да направи за да им помогне на луѓето кои бегаат од војната на Путин.

„Вира веќе била средена и ги имала подготвено документите за да дојде во Велика Британија, но ја видов нејзината фотографија и помислив „Ооо, здраво“, па и испратив приватна порака“.

Двајцата почнале да разговараат секогаш кога можеле, понекогаш одвојувале и по еден час дневно за да си пишуваат пораки, додека самохраната мајка Вира чекала да добие одобрение за патување во Британија. Светот на Вира се распаднал на денот кога се вратила од работа, како сметководител во адвокатска фирма и  да го најде нејзиниот стан урнат, откако силите на Путин го бомбардираа пристаништето на Црното Море уште во февруари. Собрајќи една торба полна со предмети, таа побегнала во Европа со ќерката  Карина (15).

Двете издржале застрашувачко двонеделно патување, избегнувајќи руски патроли и гранатирање пред да пристигнат во Молдавија.

Лук раскажува за тоа како првпат ја поканил во својата куќа во јули. Тој се шегува: „Бев нервозен поради тоа. Ја прашав дали сака пијачка во мојата топла када како наш прв состанок. Тогаш реков дека ќе сфатам дали има нешто меѓу нас или само си фантазирам. До овој момент таа зборуваше малку англиски. Ќе се обидевме да разговараме, а ако нешто не разбираше, веднаш вадев „Google Translate“.

По нивниот прв состанок, двојката станале неразделни, а Лук признал дека набрзо бил целосно разочаран затоа што сѐ уште не му била жена“.

„Знаев дека сакам да се омажам за неа по две недели“, вели тој.

Еден месец подоцна, парот го запечатил својот брак во регистарската канцеларија во Бристол, по што следел прием со пријателите и семејството во коктел бар. Никој од нејзиното семејство не бил на свадбата, но парот се надева дека ќе има специјална услуга само за нив кога војната ќе заврши. И двојката се надева дека наскоро ќе оди на меден месец во Полска, каде што многу Лук ќе може да запознае некои нејзини роднини.

Лук вели дека Вира секој ден се вознемирува поради неволјата на нејзината татковина разурната од војна.

Ќерката Карина е запишана на Градската академија во Бристол и таа и Лук наводно се сложуваат многу добро.

Лука додаде: „Вира едноставно се чувствува среќна што е безбедна. Нејзините пријатели во Украина велат дека таму е пекол. Но, има нешто добро што излезе од тоа за нас. Да не се случеше војната, никогаш немаше да се сретнеме, толку е едноставно“.