Дали користењето на вештачка интелигенција ја уништува вашата вистинска интелигенција?
Со појавата на ChatGPT, дебатите околу влијанието на вештачката интелигенција врз учењето се засилија. Научници од MIT открија дека користењето на AI за пишување есеи може да доведе до т.н. „когнитивен долг“ и намалена способност за учење, според резултати од истражување со 54 возрасни учесници.
Во експериментот, учесниците напишале три есеи користејќи ChatGPT, пребарувач или само сопственото размислување. Тие што користеле AI покажале помала ментална ангажираност и потешко се сеќавале на сопствените текстови. Во финалната фаза, кога групите ги сменија улогите, резултатите покажале дека оние кои претходно користеле AI, имале послаба активност и кога самостојно пишувале.
Треба да научиме како да ја користиме вештачката интелигенција
Сепак, експертите предупредуваат дека резултатите се прелиминарни и под влијание на дизајнот на студијата – тие што пишувале без AI веќе биле навикнати на задачата, додека другите немале толку време да се адаптираат.
Главниот заклучок е дека AI не е штетен сам по себе, туку зависи како се користи. Аналогијата со калкулаторите е соодветна: кога тие се појавиле, испитите станале потешки за да го задржат когнитивниот напор. Но денес, образованието не е секогаш адаптирано на новата реалност.
AI не треба да биде замена за мислење, туку алатка која ослободува простор за подлабока анализа. Наместо страв од „оглупавување”, фокусот треба да биде на тоа како младите да научат кога и зошто да ја користат вештачката интелигенција.
Да.
Коментирај анонимно