Дали Марс некогаш бил населен? Контроверзните тврдења на Џозеф МекМонагл
Џозеф МекМонагл, човек кој тврди дека поседува паранормални способности за „далечинско гледање“, вели дека видел докази за живот на Марс во далечното минато. Оваа техника, позната како „remote viewing“, наводно му овозможува на поединецот да набљудува места и настани што физички не може да ги види.
МекМонагл е познат како „Remote Viewer No1“ во рамките на тајниот американски воен проект „Старгејт“, чија цел беше да испита дали екстрасензорните способности можат да се користат за разузнавање. Проектот беше затворен во 1995 година, откако ЦИА заклучи дека не постојат конкретни докази за неговата ефективност.
Сепак, во неодамнешно гостување на подкастот American Alchemy, МекМонагл изјави дека во 1984 година добил координати со натпис „Марс, 1.000.000 п.н.е.“, а потоа почнал да гледа визии на антички структури и суштества.
Контроверзните тврдења на Џозеф МекМонагл
Тој тврди дека видел високи, тенки луѓе, кои се криеле во масивна пирамида, поголема од која било древна градба на Земјата. Овие суштества, според него, биле заробени во средина со влошени атмосферски услови и умирале поради катастрофални промени на планетата.
Во своите визии, МекМонагл наводно забележал комори за хибернација и остатоци од градби и коски на површината. Според неговите тврдења, Марс бил погоден од голем космички настан кој ја уништил неговата атмосфера, што довело до исчезнување на овие суштества.
Иако научната заедница ги отфрла ваквите методи како непотврдени, тврдењата на МекМонагл сè уште привлекуваат внимание. Дали е можно Марс навистина да бил дом на древна цивилизација, или ова останува дел од светот на псевдонауката и паранормалните верувања?
Glupost koja ima svoje obožavatelje .
Коментирај анонимно