Дали смртоносните басени на Црвеното Море се местото кадешто Мојсеј ја поделил водата на две?

Научниците открија басени со солена вода на околу 1.219 метри длабочина во делот од Црвеното Море познат како Акапски Залив. Овие басени се до 10 пати посолени од нормалната морска вода и немаат кислород, што ги прави смртоносни за речиси секој организам што ќе навлезе во нив.

Тимот што ги откри овие басени ги нарекол „Басените со солена вода НЕОМ“ и истакна дека откритието „го проширува познатиот географски опсег на ваквите басени во Црвеното Море и претставува уникатна средина за сочувување на седиментарни сигнали на регионални климатски и тектонски настани“.

Акапскиот Залив се смета за мистериозен поради своите уникатни геолошки одлики, вклучувајќи екстремна длабочина (просечно 900 метри, со максимум од 1.850 метри), вулканска активност и невообичаени температурни варијации на длабочина. Овој издолжен дел од Црвеното Море ги разделува Египетскиот Синајски Полуостров од Кралството Саудиска Арабија.

Овие карактеристики наведоа некои експерти да веруваат дека токму овде, според библиската книга Излез, Мојсеј го разделил морето додека ги водел Израелитите кон Ветената Земја.

Иако басените со солена вода ги отежнуваат условите за опстанок на живите организми, научниците пронајдоа екстремовили прокариоти кои успешно живеат во нив, објави LiveScience. Овие едноклеточни организми можат да преживеат во екстремни средини со висока температура, притисок, соленост, киселост или радијација.

Научниците ги опишаа условите во басените како „смртоносни стапици“ — добра аналогија за раниот живот на Земјата. Во студијата за екстремовилите во овие басени, истражувачите истакнаа:

„Проучувањето на оваа заедница нуди увид во условите под кои се појавил првиот живот на нашата планета и може да биде водич за пребарување на живот на други „водени светови“ во нашиот Сончев Систем и подалеку“.