Дали сте знаеле дека добро познатиот „Vaseline“ потекнува од нафта? Еве за што се користел порано, а за што денес
Приказната за создавањето на Вазелин започнува пред повеќе од 150 години и е вистински пример за иновација родена од потреба и истрајност. Во 1872 година, англискиот хемичар Роберт Чезброу го патентирал производот што денес го знаеме како Васелин, но неговото потекло е далеку од модерната употреба за нега на кожа.
Како што раскажа водителката на QI, Санди Токсвиг, Чезброу претходно водел компанија за масло од китови, која пропаднала поради намалената побарувачка. Во потрага по нова можност, се упатил кон Пенсилванија, каде што во 1859 година започналата нафтена трка да го привлече вниманието на многумина иноватори.
Храбра кампања водена од истрајност
Таму забележал дека работниците користат леплива материја, што се наталожувала околу нафтоводните шипки, за лекување на исеченици и изгореници. Тој бил фасциниран и решен да ја усоврши оваа суровина. По цели десет години дестилација и експерименти, го создава првиот прочистен облик на нафтен гел и го нарекува „Васелин“.
Во почетокот, речиси никој не бил заинтересиран за неговиот производ. Чезброу не се откажал – тргнал со коњска кочија низ земјата, продавајќи мали теглички и лично демонстрирајќи го ефектот, па дури и си горел делови од кожата за да покаже колку брзо ја заздравува со Васелин. Таа храбра кампања вродила плод и наскоро продавал по еден сад Васелин во минута.
За што може да се користи „Vaselinе“?
Денес, според официјалната веб-страница на брендот, Васелин се користи за:
Заштита на мали исеченици и изгореници
Отстранување на суви делови од кожата
Хидратација и обновување на кожа
Смирување на иритации кај бебиња
Изработка на пилинзи за усни
Постигнување на сјај на лицето
Од неупотреблив нафтен отпад до мултифункционален производ за секојдневна употреба – приказната за Васелин е вистинска лекција за упорност, иновација и адаптација.
Коментирај анонимно