Дали Турците пратија платен убиец на Олимпијада? Погледнете зошто овој стрелец стана хит на интернет

Веројатно веќе насекаде ја гледате фотографијата од турскиот олимпиец Јусуф Дикеч, кој е дел од тимот кој се натпреварува во дисциплината 10 метри воздушен пиштол. Зошто овој човек е хит?

51-годишниот олимпиец и неговата партнерка Шеввал Илајда Тархан освоија сребрен медал, но беше невообичаениот пристап на Дикеч кон натпреварувањет ја направи неговата слика вирална.

Така, сега интернетот е преплавен со фотографијата од Дикеч на која се гледа како тој се натпреварува во некарактеристично релаксирана позиција, без вообичаената опрема и со едната рака в џеб.

Повеќето стрелци на Олимписките игри користат заштита за ушите кога стрелаат и носат специјализирани очила кои го прикриваат видот на едното око за да не мора да го држат затворено, а понекогаш имаат и затемнети леќи за да им помогнат со одблесокот.

„Турција испрати 51-годишен човек без специјализирани леќи, покривка за очи или заштита за ушите, и освои сребрен медал“ – напиша еден.

„Знам обучен убиец кога ќе го видам“, се пошегува друг.

„Дали Турција испрати платен убиец на Олимписките игри?“ напиша друг.

Четврти коментираше: „Турската влада: Имаме различен вид работа за тебе оваа недела“.

„Изгледа како да се одлучил да оди на Олимпијада кога се разбудил утринава“

Твитерџиите, како и секогаш, се покажаа како многу креативни, па ви пренесуваме уште неколку од нивните досетки.