Данок за варење ракија во домашни услови (виц)

Даночен инспектор од УЈП оди кај Митре од едно планинско село, кој бил пријавен дека дома си вари ракија со казанот, за да утврди колку данок треба да плати. Митре веднаш се спротивставува:
– Но јас веќе 10 години не сум варел ракија.
На тоа даночниот инспектор му одговара:
– Тоа не е важно. Според законот, штом ја имате опремата, треба да платите данок, а вие ја имате опремата.
Митре малку се подзамислува и му вели:
– Добро, ќе платам данок, но прво вие да ми платите детски додаток.
– Но ти живееш сам со жена ти, децата веќе ти се големи.
– Да, сега немам мали деца, но опремата сѐ уште ја имам!