Дете феномен: 8-годишна шахистка го освои Европското првенство, победувајќи 30 години постар противник од неа

Британска ученичка влезе во историјата на шахот освојувајќи ја главната награда на европски турнир на само осум години. Бодана Шиванандан од Лондон е прогласена за најдобра женска играчка на Европското првенство што се одржа во Загреб, Хрватска.

Бодана почнала да игра шах на петгодишна возраст за време на пандемијата. Девојката вели дека сака да стане велемајстор, најмладиот олимписки шампион во Англија и на крајот да ја освои светската титула. Таа во претпоследното коло ја победи својата прва меѓународна мајсторка, 39-годишната Лорин Д’Коста, тренер на женската репрезентација на Англија, а во последното коло ремизираше со двократниот романски шампион, 54-годишниот Владислав Неведничи.

Ако во брзата шаховска рунда покажа резултат 5/11, тогаш нејзиниот настап во блицот од 13 рунди колегите го нарекоа едноставно феноменален. Ирина Булмага (30), романски меѓународен мајстор и женски велемајстор, која исто така беше присутна на натпреварот, рече дека тоа е „неверојатен резултат“ за осумгодишно девојче, додавајќи: „Да ја освојам првата награда меѓу жените, пред мене и уште еден куп искусни играчи! Таа е едноставно феномен!“

Лоренс Трент, шаховски коментатор и меѓународен мајстор, рече: „Бодана Шиванандан е еден од најголемите таленти што сум ги видел во последно време. Зрелоста на нејзиниот настап едноставно го одзема здивот. Не се сомневам дека таа ќе стане најсилната англиска играчка и најверојатно еден од најдобрите мајстори што некогаш ги видела играта шах“. Доминик Лосон, претседател на Англиската шаховска федерација, изјави за „Тајмс“ дека настапот на Бодана на натпреварувањето во брзински шах е „апсолутно извонреден, но не и изненадувачки бидејќи таа е феномен“. „Ова е невообичаен резултат за осумгодишно дете и нешто што досега не сме го виделе во оваа земја“, објасни тој. „Таа има изненадувачки зрел стил на игра, стратешки и трпелив. Може да се нарече „долга игра“.

Во едно од интервјуата, Бодана раскажа како почнала да игра шах. Нејзе и се допаднала шаховската табла со фигури кои сакале да ги дадат во добротворни цели, а таа ги зела за себе. Било за време на пандемијата, кога сите седеа дома и имаше многу слободно време. „Фигурите ме фасцинираа. Постојано му поставував прашања на татко ми, а потоа тој ме научи како да играм преку часови на „YouTube“, рече таа. Тогаш таткото, гледајќи го интересот на неговата ќерка за шах, почнал да ја носи на часови во локалниот шаховски клуб во Хароу.

Бодана стана првиот светски младински шампион на Англија по 25 години, освојувајќи титули на класичните, брзите и блиц турнирите.

Бодана моментално е на третото место во светот во класичен шах меѓу играчите родени во 2015 година. За само неколку дена, на 28 декември, таа ќе учествува на Меѓународниот шаховски конгрес во Хестингс, Источен Сасекс.

Минатата година Најџел Шорт, предизвикувачот на светската титула во 1993 година и најпознат играч во Англија, предвиде дека Бодана ќе стане познато име во шаховскиот свет. Играчот, кој исто така беше вундеркинд на само девет години, напиша: „Се трудам да не ги вознемирувам младите играчи со тоа што претерано ги фалам, но таа изгледа како навистина голем талент“. Зборувајќи за својот последен успех, Бодана скромно вели: „Бев многу горда на себе кога го освоив првото место на европскиот Блиц. Секогаш се трудам максимално да победувам во натпреварите, понекогаш успева, понекогаш не“.