Дигитална страна на војната: Еве како Украина собира средства за финансирање на војската

Откако Русија ја нападна Украина, бројни поединци и заедници се вклучија во собирање средства за финансирање на украинската војска. Некои донираа свои пари, други организираа кампањи за групно финансирање.

Украинското Министерство за дигитална трансформација почна да собира донации во криптовалути три дена откако Русија го започна нападот. И имаше голем одзив. Досега собраа повеќе од 65 милиони долари преку различни кампањи за собирање средства (за што добиваа и плаќања во криптовалути). Но, Украина сега започна аукција на незаменливи токени (NFT) за да собере дополнителни средства за финансирање на својата војска.

Новата аукција е всушност збирка на дигитални слики наречена „Мета Историја: Воен музеј“ и прикажува силуети на борбени авиони, слики од екранот од медиумски извештаи и експлозии илустрирани со стрипови – секоја од нив означува нов ден на војна.

Како што истакнуваат, новата NFT серија „Помогнете на Украина“, „е дизајнирана да шири вистинити информации во дигиталната заедница низ светот и да собира донации за Украина“.

Цената на еден украински NFT е поставена на 0,15 етер, или околу 176.000 денари (во моментот на пишување), а собраните средства ќе одат директно во официјалниот дигитален паричник во Киев.

Иако NFT, т.е. дигитални објекти, уметност, па дури и твитови или парчиња код, станаа профитабилен бизнис во последните месеци, тие исто така се користат за собирање средства. Се чини дека е полесно да им се дадат на луѓето пари ако им се врати нешто назад за тоа, дури и ако тоа е слика на екранот.