„Дијагностицирана психопатка“ објаснува три чувства кои може да бидат клучни знаци на нарушувањето
Неверојатно е што сè се споделува на интернет денес – и можеби не е ни чудно што постои жена која објавува видеа за своето искуство како „дијагностициран психопат“.
Во историјата, многу луѓе биле наречени психопати поради ужасни злосторства што ги направиле – Џефри Дамер е класичен пример – иако неодамна еден невронаучник изјави дека всушност Дамер не се вклопува во типичниот профил на психопат.
Сепак, еден TikTok профил наречен VicthePath тврди дека таа ги покажува сите знаци на психопатија и редовно споделува како ова нарушување влијае врз нејзиниот живот.
Секако, треба да се биде внимателен со вакви тврдења – повеќето здравствени стручњаци велат дека личност не може официјално да биде дијагностицирана како „психопат“. Наместо тоа, таквите случаи најчесто се водат под антисоцијално нарушување на личноста (ASPD). Но, според Вик, овие се трите чувства што таа смета дека се поврзани со психопатија:
1. Потрага по адреналин
Љубителите на екстремни спортови често се сметаат за „луди“ – сепак, ретко кој би скокнал од авион за забава. Вик смета дека желбата свесно да се ставиш во ризична ситуација само за лично задоволство може да биде знак на психопатија.
Наука ја поддржува оваа теорија: истражување објавено од Националната медицинска библиотека на САД покажува дека потрагата по возбуда (thrill-seeking) е силен предиктор за психопатија, особено кај жени. Бестрашноста е исто така честа карактеристика кај психопатите.
2. Секогаш добиваш што сакаш
На прв поглед, секогаш да го добиваш она што го сакаш може да звучи како бајка или знак на размазено дете. Но, кај психопатите, ова се случува преку манипулација и шарм, со цел секогаш да го постигнат посакуваното – без разлика на последиците.
Ова однесување е поврзано со славниот сериски убиец Тед Банди, кој призна дека убил 30 жени – иако се верува дека бројката е поголема. Според порталот „Choosing Therapy“, меѓу 20-те знаци на психопатија се вбројуваат токму манипулативноста и користењето на другите за лична корист.
3. Ниска анксиозност
Третиот знак што Вик го споменува е недостатокот на анксиозност – нешто што звучи како бенефит, особено за луѓе кои страдаат од социјална анксиозност или страв од јавни настапи.
Сепак, стручњаците имаат поделени мислења. Истражување на Националната медицинска библиотека открива дека психопатијата и анксиозноста не се нужно поврзани – односно, не е точно дека сите психопати не чувствуваат анксиозност. Но, ниската анксиозност се вклопува со нивната типична самоуверена и харизматична појава.
Коментирај анонимно