Дизни ја направи Снежана „шарена“ и го допре дното: Најголемиот неуспех во историјата на студиото
Најновата адаптација на класичната „Снежана“ во живо издание се соочува со разочарувачки резултати на бокс-офисот, според првичните бројки. Филмот заработи само 3,5 милиони долари во четвртоковите претпремиерни проекции и се предвидува дека ќе оствари од 45 до 55 милиони долари во премиерниот викенд – далеку под очекувањата.
Ова го става под римејкот на „Малата сирена“, кој во 2023 заработи 95 милиони долари во првиот викенд. Дополнително, иако „Дамбо“ од 2019 година заработи слични 45 милиони долари, неговиот буџет беше 170 милиони, наспроти „Снежана“, која чинеше над 250 милиони долари.
Контроверзиите за главната актерка
Филмот наиде на остри критики, со само 44% рејтинг на Rotten Tomatoes. Рецензентот на Daily Mail, Брајан Винер, го оцени со две ѕвезди, нарекувајќи го „болно збунувачки обид“ што со желба да не навреди никого – успеал да ги навреди сите.
Голем дел од контроверзиите произлегоа од коментарите на главната актерка, Рејчел Зеглер, која го нарече оригиналот „застарен“ и го критикуваше неговиот фокус на љубовната приказна. Дополнително, Дизни го промени имињата на џуџињата во „магични суштества“, што предизвика нови полемики.
Пофалби и критики
Иако дел од критиките го пофалија како „разиграна и слатка верзија на класичната приказна“, голем број медиуми го оценија како непотребен римејк. The Times of London го нарече „ново дно за културното уништување“, додека The Guardian го осуди како „неинспиративна, трговски мотивирана продукција“.
Во обид да избегне дополнителен притисок, Дизни ја организираше европската премиера во затворена атмосфера, далеку од традиционалните црвени теписи. Со оглед на сè, новата „Снежана“ се соочува со можноста да стане еден од најголемите неуспеси на студиото во последните години.
Што се направија америте со супер јунаците… Порано ги имаше неколку на број: Супермен, Бетмен, Спајдермен…
Сега сите нивни другари, роднини и пријатели добија свои филмови. И целиот жанр, се разводни!
Се појави сестра му на Супермен, па жена му на Бетмен му се придружи во борбата…
Па во анимиран филм Спајдермен е црн, па Бетмен стана геј… бла, бла, бла…
Коментирај анонимно