Добивате вистинско бебе, само без врескањето: Зошто бебињата- кукли стануваат сѐ попопуларни кај жените кои се борат со неплодност?

Жените кои се борат со неплодност најдоа начин да сакаат и да се грижат за мал потомок –  кукла- бебе која може да чини повеќе од 20.000 долари.

Овие креации, наречени „Reborn dolls“, се рачно направени и имаат детали како пеги, розови образи, специфични изрази на лицето, текстури на кожата, па дури и белези. А мајките можат да изберат дополнителни функции, како што се дишење на батерии, човечка коса или мирис што комбинира бебешка пудра и детергент за перење алишта за доенчиња. Жените им даваат имиња и личности на овие кукли, облекувајќи ги во најнова мода.

Терапијата со кукли постои долго време за лекување на пациенти со деменција или Алцхајмерова болест. Иако е малку контроверзен, се чини дека третманот има поддршка од многу професионалци за ментално здравје.

Психоаналитичарот Бетани Маршал изјави дека многу колекционери на „Reborn“ ги користат своите кукли за да се справат со тага, спонтани абортуси или други видови загуба. „За некои жени, куклите им овозможуваат контрола во врската наспроти одговарање на потребите на вистинското бебе и поттикнување на нивниот развој и раст.
Овие „мајки“ се пронаоѓаат една со друга на интернет и споделуваат секојдневности со своите деца.

Многумина поседуваат повеќе од една кукла „Reborn“. Кеси Вебер е мајка на две кукли „Reborn“, Гидеон и Ави.

На Вебер и беше дијагностицирано преканцерозно ткиво и морала да се подложи на хистеректомија во 2017 година. „Имав околу 25 години“, вели таа. „Хистеректомијата е сериозна работа. И кога ќе размислите така, бидејќи бев млада девојка, сакав да бидам мајка“.

Таа наишла на „ден во животот“ видео на„ YouTube“ со кукла „Reborn“ и така си ја пробудила желбата повторно да биде мајка.  Гидеон, нејзината прва кукла, има три години и сака светки, лакови и прасето Пепа. Обожава накит, нараквици и сè што е женствено. Вебер сè уште се запознава со Ави, стара околу 18 месеци. Ја добила куклата од уметник и побарала да личи на неа.

„Сè уште се навикнувам на неа и ја откривам, бидејќи сите тие имаат различни личности. И знам дека звучи глупаво, но дури и мајка ми понекогаш велеше: „Таа изгледа малку поинаку денес“.

На почетокот, вели таа, било страшно да се шета со нејзината прва кукла „Reborn“.

Таа ги замислувала луѓето како прашуваат: „Зошто би носела кукла? Ти си возрасна“, но вели дека тоа воопшто не е така. „Мислам дека тоа е сосема природно и нормално. И добивам многу коментари на интернет кои велат: „Ох, би сакал да можам да одам и да ги извадам моите бебиња и да бидам храбра“.