Дочекавме и ова да го видиме: Првата борба на куче-робот и дрон со огнени „рафали“

Кинески инженери направија спектакуларно шоу кое повеќе личи на сцена од научно-фантастичен филм отколку на реален живот. Видеото, снимено во кинеска лабораторија, прикажува неверојатна борба меѓу дрон и куче робот со огномет.

На видеото се гледа како дронот, за кој се верува дека е од земјоделската линија на „DJI“, го напаѓа својот копнен противник со силни рафали на пиротехнички средства. Роботичкото куче, развиено од „Unitree“, вешто избегнува напади и контранапади, одговарајќи на својот воздушен противник со истите огнени дофрлања.

Иако специфичната цел на овој експеримент останува непозната, спектаклот на она што се случува е неверојатен. Инженерите користеа модерна технологија за да ја создадат оваа возбудлива сцена која ја покажува моќта на вештачката интелигенција и роботиката.

Видеото брзо се прошири на интернет, предизвикувајќи бура од емоции кај корисниците. Многумина се восхитуваат на храброста и техничките вештина на инженерите, додека други се прашуваат за можните практични примени на таквите технологии во иднина.