Доктор споделува пет суптилни знаци на вашите раце кои можат да укажуваат на сериозни здравствени проблеми

Иако би било убаво да можеме да знаеме што точно се случува со нашите тела, работите не се толку едноставни. За среќа, болеста дава одредени сигнали кои здравствените експерти можат да ги забележат.

Рацете се прилично експресивен дел од нашето тело и постојат начини на кои можат да се обидат да ви кажат дека работите не се како што треба да бидат. Постојат неколку случаи кога вашите дланки можат да ви дадат предупредувачки знаци.

Д-р Доналд Грант, виш клинички советник во „The Independent Pharmacy“, изјави за „YahooLife“ дека има пет карактеристики на вашите раце кои можат да го отворат прозорецот кон вашето здравје.

Слаби нокти

Докторот објасни дека секако сакате да внимавате на вашите нокти, особено да обрнете внимание на оние мали вдлабнатини на површината на ноктот или какво било потенцијално пожолтување. Ова може да биде знак за габична инфекција или некоја друга долгорочна здравствена состојба.

Многу работи во врска со вашите нокти може да укажуваат на проблеми со здравјето, па затоа најдобро е да го барате она што ви го кажуваат експертите.

Промена на кожата на рацете

Д-р Грант вели дека текстурата и бојата на вашата кожа може драматично да се променат кога не сте добро. Тој зборуваше за состојба на кожата поради која вашите дланки стануваат црвени и ви прават чувство на пецкање наречено Палмарна еритема.

Во меѓувреме, сувоста може да укажува на работи како егзема, алергиска реакција или недостаток на соодветни витамини.

Изместување на зглобот

Ги крцкате зглобовите? Не грижете се, тоа нема да ви предизвика артритис и покрај тоа што можеби сте го слушнале нивното пукање. Сепак, треба да обрнете внимание на вашите зглобови и колку тие стануваат вкочанети бидејќи тоа може да биде знак за артритис, може да имаат и оток и болка, исто така и да ви ја одземат умешноста на рацете што некогаш ја поседувале.

Докторот рече дека може да се справите со болката со работи како ибупрофен и правилни вежби кои би можеле да ја ублажат вкочанетоста.

Постојано ви е ладно на рацете

Без сомнение сте запознале луѓе кои имале многу ладни раце. Меѓутоа, ако минувате низ драматична промена на температурата на вашето тело, тогаш д-р Грант вели дека тоа може да биде знак за „лоша циркулација“ или анемија.

Тој вели: „Покрај анемијата, студените раце може да укажуваат и на основна здравствена состојба како што се дијабетес или згрутчување на крвта. Доколку почувствувате долготрајна промена на температурата на рацете, можеби е најдобро да побарате дополнителен медицински совет“.

Здебелени прсти

„Ако вашите прсти одеднаш стануваат подебели, тогаш ова може да биде знак за белодробна фиброза, еден вид белодробна болест“, предупреди д-р Грант.

Тој рече дека тоа може да биде и знак за српеста анемија, туберкулоза или инфекција и ги советуваше луѓето да побараат лекарска помош доколку нивните прсти брзо ја менуваат формата.