Домашен рецепт за Нутела, затоа што ултра-процесираната храна е тивок отров за телото

Во време кога рафтовите се преполни со производи со непознати состојки и додадени хемикалии, природната, домашна храна станува вистински луксуз. Денес ви претставуваме вкусен и здрав рецепт за домашна Нутела – без шеќери, без палмино масло, без хемикалии.

Еве зошто да се помачите да си ја направите сами

Состојки:

250g органски лешници
2-3 лажици органско какао
2 лажици природен мед
1 лажичка природен ванила екстракт (по желба)
Прстофат морска сол
80ml филтрирана вода

Подготовка:

1. Испечете ги лешниците:

Загрејте ја рерната на 180°C. Распоредете ги лешниците рамномерно на тава и печете ги 10-12 минути, додека не замирисаат и лушпите не почнат да се пукаат.

2. Извадете ги лушпите:

Кога малку ќе се изладат, тријте ги лешниците во чиста кујнска крпа за да се отстранат најголем дел од лушпите.

3. Направете лешников путер:

Ставете ги лешниците во блендер или процесор за храна. Блендирајте 5-10 минути додека не добиете мазна паста.

4. Додајте ги останатите состојки:

Додадете какао, мед, ванила, сол и вода. Блендирајте додека не добиете кремаста текстура.

5. Прилагодете по вкус:

Ако сакате побогат вкус – додајте повеќе какао. За послатко – уште малку мед. За поразредена текстура – неколку капки вода.

Колку чини?

1 кг лешници = 600 денари → 250g = 150 денари
Какао (50 денари за 100g → 3 лажици ≈ 20g = ~10 денари)
Мед (300 ден/кг → 2 лажици ≈ 50g = 15 денари)
Ванила (по избор) ≈ 5 денари

Вкупно: ~180 денари по тегла (околу 300g)

Ултра-процесирана верзија во продавница чини исто толку, а сличен органски намаз во чини од 400 до 700 денари – и најчесто содржи шеќер, стабилизатори и палмино масло.

Хранете го телото со вистинска храна. Направете го овој здрав намаз и почнете денот со енергија и задоволство!