Дрон истражува вулканска ерупција заедно со група авантуристи од неверојатна близина

Неверојатни снимки од дрон покажуваат лава што ја исфрла  вулкан во Исланд, кој еруптира за прв пат во  6.000 години, -додека илјадници туристи се насобраа кон кратерот, па дури и правеа скара на течната магма.

Бјорн Штајнбек, пилот на дрон од Рејкјавик, го сними видеото во Неделата во кратерот Фаградалсфјал на полуостровот Рејкјанес во Исланд, каде започна ерупцијата во Петокот минатата недела.

Тогаш, толпите брзаа кон вулканот за да гледаат редок природен феномен, а меѓу нив беше и г-дин Штајнбек. Во Понеделникот, посетителите беа забележани како печат хотдог над стопената магма.

Г-дин Штајнбек го прелета својот дрон преку главниот отвор додека исфрлаше лава, патувајќи директно низ парче стопени парчиња карпи кои минуваат низ леќата на фотоапаратот.

Вулканот се наоѓа само на околу 40 километри  од главниот град Рејкјавик и може да се стигне по 90-минутно пешачење од најблискиот пат.

„Апсолутно го одзема здивот“, вели Улвар Кари Јохансон, 21-годишен инженер, кој ја помина својата Недела во посета на местото на настанот.

„Мириса прилично лошо. За мене, она што изненадува беа боите на портокалово: многу, многу подлабоки од она што некој би очекувал “, изјави тој.

Според експертите досега биле исфрлени околу 300 000 кубни метри лава од земјата, иако ерупцијата се смета за релативно мала и контролирана.

Пристапот до вулканот беше блокиран во првите часови по ерупцијата. Тогаш властите ги подигнаа блокадите на патиштата, и ги обесхрабруваа посетите, но до Саботата попладне посетите беа дозволени, но под строги упатства.

„Ние сме само тука да се грижиме за луѓето и да видиме дали сè е во ред. И само гледаме луѓето не одат премногу близу до лавата и ги предупредуваме да се повлечат “, објаснува Атли Гунарсон, 45-годишен полицаец.

Мал периодичен сигнал може да се слушне околу екипите за итни случаи. Тие носат уреди што го мерат загадувањето на гасот, особено сулфур диоксидот, кој може да претставува опасност по здравјето, па дури и да биде фатален.

Рано во Понеделникот, властите повторно ја блокираа околината поради високото ниво на загадување.

Иако ерупциите се чести на Исланд, а една се случува во просек на секои пет години, тие обично се случуваат далеку од населените зони, во недостапни области. Другите се премногу опасни за да се овозможи пристап до јавноста.

Бројот на туристи во Исланд падна заради пандемијата , туризмот обично претставува повеќе од осум проценти од економијата, сега островот се обидува повторно да ја започне индустријата.

Неодамна ги отвори вратите за сите меѓународни патници кои можат да докажат дека биле вакцинирани против Ковид-19 или се опоравиле од болеста.

Сепак, останува да се види дали Исланд ќе може да го искористи вулканот.

Според експертите, ерупцијата може брзо да изумре, можеби во рок од неколку дена.

Системот Крисувик е неактивен во последните 900 години, додека последната ерупција на полуостровот Рејкјанес датира пред скоро 800 години и траела околу 30 години, од 1210 до 1240 година.
Но, регионот беше под зголемен надзор неколку недели откако беше регистриран земјотрес со јачина од 5,7 степени по Рихтер на 24 Февруари во близина на планината Кејлир на периферијата на Рејкјавик.

Оттогаш беа регистрирани повеќе од 50 000 помали потреси, а магмата беше откриена на само еден километар под површината на Земјата во последните денови во близина на Фаградалсфјал.